ᐃᓄᐃᑦ ᐅᖃᐅᓯᖓ ᓄᓇᕗᒻᒥ ᖃᓄᐃᓕᖓᓕᕐᓂᖓ

ᐃᖃᓗᐃᑦ, ᓄᓇᕗᑦ (ᓯᑎᐱᕆ 19, 2008) – ᓄᓇᕗᑦ ᒪᓕᒐᓕᐅᕐᕕᖓ ᑲᔪᓯᑎᑦᑎᕗᖅ ᐃᓄᐃᑦ
ᐅᖃᐅᓯᖓᓐᓂᒃ     ᓴᐳᒻᒥᑦᑎᓂᕐᒧᑦ  ᐱᖁᔭᖓᓐᓂᒃ,   ᑭᖑᓪᓕᐅᔪᖅ   ᒪᓕᒐᓕᐊᖑᔫᖕᓂᒃ     ᓄᓇᕗᒻᒥ
ᐅᖃᐅᓯᓕᕆᓂᕐᒧᑦ ᐱᓕᕆᐊᖑᔫᖕᓂᒃ. ᑖᓐᓇ ᑭᖑᓪᓕᐅᔪᖅ ᐱᓕᕆᐊᖃᓕᕈᓐᓇᖅᑎᑦᑎᓂᐊᖅᑐᖅ ᐃᓄᐃᑦ
ᐅᖃᐅᓯᖓᑦᑎᒍᑦ ᐱᔪᓐᓇᕈᑕᐅᔪᓂᒃ ᐊᔾᔨᐅᖏᑦᑐᒃᑯᓪᓗ ᐊᑐᖅᑕᐅᔭᕆᐊᖃᕐᓂᖓᓐᓂᒃ.
“ᐃᓄᐃᑦ ᐅᖃᐅᓯᖓ ᐱᖅᑯᓯᑦᑎᓐᓄᑦ ᑭᓇᐅᓂᑦᑎᓐᓄᓪᓗ ᐊᑕᑦᑎᐊᒻᒪᕆᖕᒪᑦ,” ᐅᖃᓚᐅᖅᑐᖅ ᓗᐃ ᑕᐹᕐᔪᒃ,
ᒥᓂᔅᑕᐅᔪᖅ   ᐃᓕᖅᑯᓯᓕᕆᔨᒃᑯᓐᓄᑦ.    “ᐃᓄᐃᑦ  ᐅᖃᐅᓯᖓᓐᓂᒃ    ᓴᐳᒻᒥᑦᑎᓂᕐᒧᑦ    ᐱᖁᔭᒃᑯᑦ
ᐱᒋᐊᕈᑎᖃᖅᓯᒪᓕᖅᐳᒍᑦ ᐃᓄᐃᑦ ᐅᖃᐅᓯᖓ ᐱᓕᕆᕝᕕᑦᑎᓐᓂ, ᐃᓕᓐᓂᐊᕐᕕᑦᑎᓐᓂ, ᐃᓅᓯᑦᑎᓐᓂᓗ
ᐊᑐᖅᑕᐅᑦᑎᐊᕈᓐᓇᕐᓂᐊᕐᓗᓂ ᓄᓇᕗᒻᒥ.”
“ᑖᓐᓇ ᐱᖁᔭᖅ ᐱᒋᐊᕈᑎᖃᖅᐳᖅ ᒐᕙᒪᒃᑯᑦ ᐱᔭᕆᐊᖃᖅᓯᒪᔭᖓᓐᓂᒃ ᑎᑎᕋᖅᓯᒪᔪᖅ 23 ᓄᓇᕗᒻᒥ
ᓄᓇᑖᕈᑎᓃᑦᑐᓂᒃ ᓇᓗᓇᐃᖅᓯᓪᓗᓂᓗ ᐃᓄᐃᑦ ᐅᖃᐅᓯᕐᒥᒃᑎᒍᑦ ᐊᑐᕈᓐᓇᕆᐊᖃᕐᓂᖏᓐᓂᒃ ᓄᓇᕗᒻᒥ,”
ᐅᖃᓚᐅᖅᑐᖅ ᑕᐹᕐᔪᒃ.     “ᐱᐅᓂᖅᓴᒃᑯᑦ ᓱᒋᐊᕈᑕᐅᕗᖅ ᐃᓄᒃᑐᑐᐃᓐᓇᖅ ᐅᖃᐅᓯᖃᖅᑐᑦ ᐃᓄᐃᑦ
ᐱᔨᑦᑎᖅᑕᐅᓂᖏᑦ         ᐱᐅᓯᒋᐊᕈᑎᒃᓴᖓᓐᓂᒃ,      ᒪᒃᑯᒃᑐᖁᑎᕗᓪᓗ        ᐅᖃᐅᓯᕐᒥᖕᓂᒃ
ᔭᒐᐃᕙᓪᓕᐊᖏᓐᓂᖅᓴᐅᓕᕐᓗᑎᒃ,     ᓴᙱᒃᑎᒋᐊᕐᓗᒍᓗ    ᐃᓄᐃᑦ   ᐅᖃᐅᓯᖓᑦᑕ      ᐊᑐᖅᑕᐅᓂᖓ
ᓄᓇᕗᒻᒥᐅᓕᒫᓄᑦ.”