ᑲᖏᕐᓱᔪᐊᖅ
About
ᑖᓐᓇ 40-ᒥᓂᑦᔅ-ᑐᕐᑐᖅ ᑕᑯᓐᓇᕋᑦᓴᓕᐊᕕᓂᖅ ᐱᓯᒪᑦᓱᓂ ᓯᑕᒪᐅᓕᕿᖓᔪᓂᑦ ᐅᓂᒃᑳᓱᒋᑦ ᑕᑯᓐᓇᕋᑦᓴᓕᐊᕕᓂᖏᓐᓂᑦ ᐱᕐᓈᑉ 1961-ᒥ ᐊᒻᒪᓗ 1965-66-ᒥ. ᐊᕕᑦᑐᑕᐅᑦᓱᓂ ᐊᒥᓱᐃᒐᓛᓄᑦ ᐱᓂᐊᕐᓂᓄᑦ, ᐅᕙᑦᑎᓂᒃ ᑕᑯᑎᑦᓯᓯᐊᕐᑐᖅ ᑌᑦᓱᒪᓂ ᐊᐅᓚᒍᓯᐅᕙᑦᑐᕕᓂᕐᓂᒃ ᐆᑦᑑᑎᒋᓗᒋᑦ ᕿᒧᑦᓯᓂᕐᓂᒃ, ᕿᒻᒥᓂᒃ ᑕᓯᒍᐊᕐᓂᓂᒃ ᖃᔭᕐᑐᓂᕐᓂᒃ ; ᕿᓚᓗᒐᕐᓯᐅᑐᓂᒃ, ᖃᔭᕐᒥᒃ ᐊᒥᐊᕆᔪᓂᒃ ᐅᑦᔪᔭᕕᓂᕐᓄᑦ,ᖃᔭᓕᐅᓕᕋᒥᓪᓗ ᐊᒥᓲᒋᐊᖃᓲᕕᓂᐅᑦᓱᑎᒃ ᓄᓇᓯᒪᔪᑦ ; ᑑᓪᓕᔭᖅ ᒥᕐᖁᑎᖃᐅᑎᓐᖑᑕᐅᑎᓗᒍ, ᕿᒻᒦᑦ ᐱᒻᒪᕆᐅᓂᕕᓂᖏᓐᓂᒃ ᓄᓇᓕᒻᒥᐅᑎᒍᑦ ; ᐱᐊᕃᑦ ᐱᓐᖑᐊᕈᓯᖏᓐᓂᒃ ; ᐅᕕᓗᕐᑕᓂᕐᓂᒃ/ᖁᓪᓗᓂᕐᑕᓂᕐᓂᒃ ᑎᓂᓐᖓᓕᕐᒪᑦ ; ᓄᓂᕙᓐᓂᓂᒃ ; ᑭᓯᐊᓂᓗᑦᑕᐅᖅ ᑲᕙᒣᑦ ᐊᖓᔪᕐᖃᐅᓯᕐᐸᓕᐊᓯᓂᕕᓂᖏᓐᓂᒃ ᑎᑭᑉᐸᓕᑐᐊᕋᒥᒃ ᐊᕐᕌᒍᑕᒫᑦ ᓯᑯᓯᐅᑎᑎᒍᑦ ᐊᓯᖏᑎᒍᓪᓗ, ᐃᓄᐃᑦ ᑲᑎᐅᕐᖃᑐᐊᓘᓕᕐᑎᓗᒋᑦ ᓄᓇᓕᓐᓄᑦ.
ᑲᖏᕐᓱᔪᐊᖅ (1961-ᒥ 1966-ᒥᓗ)
ᑖᓐᓇ ᑕᑯᓐᓇᕋᑦᓴᖅ ᑕᑯᑎᑦᓯᔪᖅ ᐊᒥᓱᐃᒐᓛᓂᒃ ᐃᓅᒡᒍᓯᑐᖃᕕᓂᕐᓂᒃ 1960-ᐄᑦ ᐱᒋᐊᕐᖃᒥᐅᓕᕐᑎᓗᒋᑦ, ᐊᒻᒪᓗ ᐊᓯᑦᔨᑐᕐᓂᕕᓂᕐᓂᒃ ᐃᓄᐃᑦ ᐊᑕᐅᓯᕐᒥ ᓄᓇᓕᒻᒥᐅᖑᓕᑐᐊᕐᒪᑕ.
16 mm ᑕᑯᓐᓇᕋᑦᓴᖅ ᑕᐅᑦᑐᓕᒃ, ᓂᐯᑦᑑᓱᓂ
41-ᒥᓂᑦᔅ-ᑐᕐᑐᖅ
ᑐᑭᒧᐊᕐᑎᓯᔪᕕᓂᖅ : ᐱᕐᓈ ᓴᓚᑏᓐ ᑕᖕᒃᓘᕐ
ᐊᑦᔨᓕᐅᕆᔪᕕᓂᖅ : ᐱᕐᓈ ᓴᓚᑏᓐ ᑕᖕᒃᓘᕐ
ᑕᑯᓐᓇᕋᑦᓴᓕᐊᕕᓂᖅ ᐅᐱᕐᖏᕕᒻᒥ ᐊᐅᔭᕐᓰᕕᒻᒥᓗ ᓄᓇᑐᕐᓖᓂ ᑎᒡᓕᒐᕐᕕᒥ ᐊᑯᓕᕕᒥᓗ, ᑲᖏᕐᓱᔪᐊᓗ ᓄᓇᓕᖓᓂ 1961 ᐊᒻᒪᓗ 1966 ᐊᑯᓐᓂᖏᓐᓂ.
ᐃᓂᓪᓓᔪᕕᓃᒃ Marie-Pierre Gadoua ᐊᒻᒪᓗ Ralitsa Doncheva (ᐱᓪᓗᑯᒋᐊᓕᑎᒍᑦ), ᓯᑕᒣᓂᑦ ᑕᑯᓐᓇᕋᑦᓴᓕᐊᕕᓂᕐᓂᑦ ᐃᓂᓪᓚᕆᐊᕐᑕᐅᓚᐅᕐᓯᒪᓐᓂᖏᑦᑐᓂᑦ.
ᓱᓇᒥᑦᓯᐊᑎᓗᒍ ᓯᑯᑦᓴᔭᒨᕐᑕᕕᓂᖅ
ᐊᑦᔨᓕᐅᕐᑕᕕᓃᑦ ᖃᓂᑦᑑᑎᓪᓗᒋᑦ ᓯᑦᔭᒥ ᑐᐊᐸᔮᑦ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: 1960-ᐄᑦ ᐱᒋᐊᕐᖃᒥᐅᑎᓗᒋᑦ, ᐃᓄᐃᑦ ᐃᓅᓯᖃᓚᐅᔪᕗᑦ ᐊᑐᕐᑐᒪᕆᐊᓘᑦᓱᑎᒃ ᐊᐅᓚᒍᑎᒥᓂᒃ, ᓱᒐᓗᑦᑐᖅ ᑲᖏᕐᓱᔪᐊᑉ ᒥᑦᓵᓂᒥᐅᑦ. ᐃᓄᐃᑦ ᑖᕙᓂᒥᐅᑦ ᓄᓪᓚᖓᓲᒍᓚᐅᔪᓐᖏᑐᑦ ᓄᓇᕐᔪᐊᕌᓗᒻᒥ ᕿᑭᕐᑕᒐᓴᕐᔪᐊᓕᒻᒥ ᐊᒻᒪᓗ ᑲᑕᑦᑐᑲᓪᓚᓂᒃ ᐃᓐᓇᓂᒃ, ᑌᒣᒻᒪᑦ ᐃᓄᐃᑦ ᐊᐅᓚᓕᕋᒥᒃ ᐱᓱᕙᓪᓗᓲᕕᓃᑦ, ᕿᒧᑦᓯᓱᑎᒃ, ᕿᒻᒦᑦ ᐱᓱᑦᑐᑦ ᓇᒻᒪᑎᓗᒋᑦ, ᖃᔭᕐᑐᓲᒍᑦᓱᑎᓘᓐᓃᑦ. ᑌᑦᓱᒪᓂᒋᐊᖑᑎᓗᒍ, 1930-ᐄᑦ ᐊᕐᕌᒍᖏᑦ ᑎᑭᕋᑕᕐᓱᒋᑦ, ᐊᖏᔪᑲᓪᓚᒥᒃ ᐅᒥᐊᖃᓲᒍᓐᓂᒥᔪᑦ ᕿᓯᔦᓐᓇᓂᒃ. ᐅᐱᕐᖔᒍᓕᕐᒪᑦ ᐅᒥᐊᕐᑐᓲᕕᓃᑦ 30-ᓘᓐᓃᑦ 40-ᓘᓐᓃᑦ ᐃᓄᐃᑦ ᐅᓯᔭᐅᑎᓪᓗᒋᑦ, ᒪᓕᑦᑕᐅᓱᑎᒃ ᕿᒻᒥᒥᓄᑦ ᖃᒧᑎᒃᑭᓱᑎᓗ. ᓯᐊᕉᓕᕐᒪᑦ ᐅᒥᐊᕐᑖᓕᕐᑐᕕᓃᑦ ᕿᔪᐃᓐᓇᓂᒃ ᐅᒥᐊᕐᔪᐊᑦ ᐅᓯᓲᖏᑦᑕ ᐊᑦᔨᐸᓱᖏᓐᓂᒃ. ᒪᕐᕉᒃ ᐅᓇᑕᕐᓂᔪᐊᖑᓯᒪᔫᒃ ᐊᑯᓐᓂᖓᓂ, ᑎᕆᒐᓐᓂᐊᔦᑦ ᓇᓕᑑᒻᒪᕆᐅᑫᓐᓇᓚᐅᕐᓯᒪᔪᑦ, ᑌᒣᒻᒪᑦ ᐃᓚᒌᑦᑐᑦ ᓯᕗᓕᕐᑎᖑᐊᖏᑦ ᐅᒥᐊᒻᒪᕆᑦᑖᒍᓐᓇᖃᑦᑕᓕᕐᑐᕕᓃᑦ - ᐊᖏᓂᕐᓴᒪᕆᐊᓗᓂ - ᑭᓯᐊᓂ ᓄᓇᕐᔪᐊᒥ ᑮᓇᐅᔭᖅ ᑲᑕᑦᑐᐊᓘᒻᒪᑦ, ᐃᓄᐃᑦ ᐱᐅᓯᕕᓂᕐᒥᓄᑦ ᐅᑎᓕᕐᑐᕕᓃᑦ ᖃᔭᕐᑐᓲᖑᓯᑦᓱᑎᒃ, ᕿᒧᑦᓯᓲᖑᓯᑦᓱᑎᒃ ᕿᒻᒥᓂᓗ ᓇᒻᒪᑐᓂᒃ ᑕᓯᒍᐊᓯᓲᒍᑦᓱᑎᒃ. ᑌᒪ ᐃᑭᑦᑐᐊᐲᑦ ᐊᕐᕌᒍᐃᑦ ᐃᓗᐊᓂ, ᑕᒪᒃᑯᐊᓕᒫᑦᓯᐊᑦ ᐊᑐᕐᑕᐅᒍᓐᓀᓂᐊᓕᕐᒥᒪᑕ. ᐅᖃᕋᔭᓐᖑᐊᑐᖓ ᖁᓖᑦ ᐊᕐᕌᒍᐃᑦ ᐃᓗᐊᓐᓂ ᐃᓄᐃᑦ ᓄᓇᓕᒻᒥᐅᖑᕐᑐᐊᓘᒻᒪᑕ ᕿᒻᒦᑦ ᐊᑐᕐᑕᐅᒍᓐᓀᓯᓚᐅᕐᓯᒪᒻᒥᔪᑦ, ᐊᑐᕐᑕᐅᒋᐊᓪᓚᓯᓚᐅᔪᒻᒥᔫᒐᓗᐊᑦ ᐊᕙᑏᑦ ᐊᕐᕌᒎᕋᑖᓚᐅᕐᑐᓂ ᕿᒧᑦᓰᑦ ᓱᑲᓕᐅᑎᖃᑦᑕᓯᑐᐊᕐᒪᑕ ᐃᕙᒃᑲᓱᑎᒃ, ᐃᓄᐃᑦ ᕿᒻᒧᑦᓯᕈᑎᓕᐅᕐᓯᒪᓕᕐᒥᒪᑕ.
ᓄᓇᓕᐊᕈᓕᒫᖅ ᓄᐃᑕᔪᖅ.
ᓄᓇᓕᐊᕈᓕᒫᖅ ᓄᐃᑕᔪᖅ, ᐊᖏᓪᓕᑎᕐᓯᒪᔪᖅ ᑐᐱᐅᑉ ᐅᒃᑯᐊᖓ ᕿᔪᒃ.
ᑕᑯᑦᓴᐅᑎᑕᐅᔪᑦ ᐃᓄᐃᑦ ᐊᒻᒪᓗ ᕿᒻᒦᑦ.
ᖃᓂᓐᓂᓴᐅᑎᓗᒋᑦ ᐊᑦᔨᓕᐅᕐᑕᕕᓃᑦ ᐃᓄᐃᑦ ᑖᒃᑯᓭᓐᓀᑦ.
ᕿᒻᒥᖅ ᒧᒍᕐᑐᖅ ᖃᓂᑦᑑᑎᓪᓗᒍ ᐊᑦᔨᓕᐅᕐᑕᕕᓂᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᖄᔪᖓ ᕿᒻᒥᓂᒃ ᐃᓄᐃᑦ ᐃᓅᓯᖏᓐᓂᒃ ᐊᑐᕐᑐᓚᕆᐊᓘᓯᒪᒻᒪᑕ. ᐃᓚᒌᑦᑐᑦ ᐃᓘᓐᓇᑎᒃ ᐊᑕᐅᓯᕐᒥᒃ ᐅᖓᑖᓄᓘᓐᓃᑦ ᓇᒻᒥᓂᕐᒥᓂᒃ ᕿᒻᒥᖃᓲᕕᓃᑦ, ᑌᒣᒻᒪᑦ ᐊᖑᓇᓱᑦᑎ ᖃᒧᑎᒥᓄᑦ ᐊᓅᕆᑐᐊᕐᒪᑦ ᖁᓕᓗ ᒪᕐᕈᓘᓂᒃ ᕿᒻᒥᓂᒃ, ᐅᖁᒣᑦᑐᓂᒃ ᐅᓯᓚᖓᓗᓂ, ᕿᒻᒦᑦ ᕿᒧᑦᓯᐅᑕᐅᓚᖓᔪᑦ ᐃᓚᒌᓕᒫᑦᓯᐊᓂᑦ ᐱᓯᒪᓲᕕᓃᑦ. ᐃᓄᐃᑦ ᕿᒧᑦᓯᓕᑐᐊᕋᒥᒃ ᐃᓚᒌᒐᓴᕐᔪᐊᑦ ᓲᕐᓗ ᑲᑎᐅᕐᖃᓲᕕᓃᑦ. ᐃᓘᓐᓇᓯᐊᑎᒃ ᕿᒻᒦᑦ ᐊᑐᓂᒃ ᐊᑦᓯᔭᐅᒪᓲᕕᓃᑦ ᐃᓄᒥᓄᑦ, ᐱᐊᕃᓪᓗ ᕿᒻᒥᐊᕋᖁᑎᖃᓲᕕᓂᐅᑦᓱᑎᒃ ᒥᑭᔪᐊᐱᐅᓂᕐᒥᓂᑦ, ᕿᒻᒥᖅ ᐊᑦᓯᔭᐅᓲᒍᑎᓪᓗᒍ ᐃᓄᖓᑕ ᐊᑎᖓ ᓲᕐᓗ ᐅᑎᖔᕐᑎᓗᒍ, ᑕᒐ ᐅᓇ ᐆᑦᑑᑎᒃ: ᑭᓇᑐᐃᓐᓇᖅ ᐊᑎᖃᑦᓴᕈᓂ ᐃᓐᓈᕈᓕᒻᒥᒃ ᕿᑭᕐᑕᑎᑐᑦ `ᐃᓐᓇᑎᑐᑦ` - ᐃᓅᑉ ᐅᓪᓗᒥ ᐃᓅᖏᓐᓇᑑᑉ ᐊᑎᕆᑦᓱᓂᐅᒃ - ᑌᒪ ᕿᒻᒥᖓ ᐊᑦᓯᔭᐅᓂᐊᓕᕐᒪᑦ ᐅᑎᖔᕐᑐᒥᒃ ᓲᕐᓗ, `ᓄᓇ ᓇᑎᕐᓈᑐᐃᓐᓇᖅ.` ᑌᒣᒻᒪᑦ ᑌᒣᓘᓲᕕᓃᑦ ᐱᒐᓱᐊᒻᒪᕆᐊᓗᑦᔭᒐᑎᒃ, ᑭᓯᐊᓂ ᐃᓄᓕᒫᑦ ᖃᐅᔨᒪᓲᕕᓂᐅᒻᒥᔪᑦ ᕿᒻᒥᖅ ᐊᑦᓯᕋᕐᑕᐅᓕᕐᒪᑦ, ᐃᓄᖓ ᓲᕐᓗ ᐅᖄᕕᐅᔪᖅ ᕿᒻᒥᖅ ᐊᕐᖁᑎᒋᑦᓱᒍ. ᑌᒪᓐᖓᓕᒫᑲᓵᓪᓗ ᑖᒃᑯᐊ ᕿᒻᒥᐊᕌᐲᑦ ᐃᒡᓗᓄᑦ ᑐᐱᕐᓄᓘᓐᓃᑦ ᐃᑎᕐᑎᑕᐅᒍᓐᓇᓱᕕᓃᑦ ᐃᓄᒻᒥᓂᒃ ᒪᓕᑦᓱᑎᒃ, ᒪᓕᓐᖏᑐᐊᕈᑎᒃ ᐃᑎᕐᑎᑕᐅᓂᐅᔭᒐᓛᒐᑎᒃ; ᕿᒻᒦᑦ ᓯᓚᒥ ᐅᑕᕐᕿᒋᐊᖃᓲᕕᓃᑦ ᓂᕆᒃᑲᑕᐅᓂᕆᓚᖓᔭᒥᓂᒃ.
ᓄᓇᓕᐊᕈᓕᒫᖅ ᓄᐃᑕᔪᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐊᒻᒪᓗᐃᒃᑯᐊ ᖃᔭᐅᓚᐅᕐᓯᒪᔪᑦ, ᐃᓪᓕᓇᕐᑐᒪᕆᐊᓘᑦᓱᑎᒃ ᐱᐅᑎᒋᔭᐅᑦᓱᑎᒃ, ᐅᐱᕐᖓᓴᐅᓕᕐᒪᓗ ᕿᓚᑦᑕᐅᒪᓲᕕᓂᐅᑦᓱᑎᒃ ᕿᒧᑦᓯᓄᑦ ᐃᓄᐃᑦ ᐳᐃᔨᓯᐅᕆᐊᓕᕐᒪᑕ, ᓇᑦᓯᓂᒃ, ᐅᑦᔪᓂᒃ ᑐᕙᐅᑉ ᓯᓈᓕᐊᕐᓯᒪᑦᓱᑎᒃ.
ᓱᓇᒥᓪᓚᕆᑦᑐᖅ ᓄᐃᑕᔪᖅ ᐊᖑᑎᒃ ᖃᒧᑏᓐᓂᒃ ᐊᐳᑎᒃᑯᑦ ᐅᓂᐊᕐᑐᑦ, ᐊᓯᐊᓅᕐᓱᒋᒃ ᖃᒧᑏᓐᓄᑦ.
ᕿᒻᒦᑦ ᖃᓂᓐᓂᓴᐅᓕᕐᓱᑎᒃ
ᓄᓇᓕᐊᕈᓕᒫᑦ ᓄᐃᑕᔪᑦ ᐃᓅᖃᑎᒌᑦ ᐅᖄᖃᑦᑕᐅᑎᔪᑦ.
ᓱᓇᒥᑦᑐᖅ ᑕᑯᑦᓴᐅᓂᖓ ᐊᖑᑎᐅᑉ ᖁᓪᓕᓴᔭᒥᒃ ᓄᓇᒧᑦ ᖁᐱᓯᔪᖅ.
ᓱᓇᒥᑦᑐᖅ ᐊᖑᑎᒃ ᑕᑯᓐᓇᑐᖅ ᐅᔭᕋᕐᒥᒃ.
ᐊᖏᓪᓕᑎᕐᓯᒪᔪᑦ ᐊᑦᔨᓕᐅᕐᑕᕕᓃᑦ ᐊᓪᓚᖑᐊᕐᓯᒪᔪᑦ.
ᖃᓂᑦᑑᑎᓪᓗᒋᑦ ᐊᑦᔨᓕᐅᕐᑕᕕᓃᑦ ᐊᓪᓚᖑᐊᕐᓯᒪᔪᑦ.
ᐊᖏᓪᓕᑎᕐᓯᒪᒻᒪᕆᑦᑐᖅ ᕿᒧᑦᓰᑦ ᓯᑯᒃᑰᑐᑦ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᓪᓗᒥᑕᒐ ᓄᑦᑎᓯᕗᑦ. ᑕᑯᒍᓐᓇᑐᒍᑦ ᖃᒧᑏᒃ ᐅᓯᑦᑐᕋᓱᐊᒻᒪᕆᒻᒪᑎᒃ ᕿᒧᑦᑕᐅᓚᖓᑦᓱᑎᒃ ᖁᓕᓗ ᒪᕐᕈᓘᓅᑦ ᕿᒻᒥᓄᑦ. ᕿᒧᑦᓰᓗ ᑐᕙᑎᒎᓕᕋᒥᒃ ᐃᖏᕐᕋᓱᑎᒃ ᑌᒫ ᓱᑲᓐᓂᖃᕙᓪᓗᓲᕕᓃᑦ, ᓱᑲᑦᑑᒐᓛᓐᖏᑐᑦ, ᑭᓯᐊᓂ ᒋᐊᖃᓪᓗᑐᓕᕋᒥᒃ ᐃᖏᕐᕋᒍᓐᓇᓱᕕᓃᑦ 100-ᒍᓈᕐᑎᑐᓂ ᑭᓗᒦᑕᓂ.
ᓱᓇᒥᑦᑐᑦ ᑕᑯᑦᓴᐅᓂᖏᑦ ᕿᒧᑦᓰᑦ ᑎᑭᓴᕐᑐᑐᑦ.
ᓱᓇᒥᑦᑐᑦ ᑕᑯᑦᓴᐅᓂᖏᒃ ᕿᒧᑦᓯᐅᑏᒃ ᖃᒧᑏᒃ.
ᓱᓇᒥᑦᑐᑦ ᑕᑯᑦᓴᐅᓂᖏᒃ ᕿᒧᑦᓯᐅᑏᒃ ᖃᒧᑏᒃ, ᐃᓚᒌᓄᑦ ᐃᑦᓯᕙᕕᐅᔫᒃ.
ᓱᓇᒥᑦᑐᖅ ᑕᑯᑦᓴᐅᓂᖓ ᑐᐱᖅ ᑲᑕᒻᒥᑐᖅ ᖃᒧᑏᓐᓂᒃ ᐅᓯᑕᓖᓐᓂᒃ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᑯᐊ ᑐᐲᑦ ᑐᐱᑦᓴᔦᑦ ᕿᓯᔭᓂᒃ ᑐᐱᖃᓲᒍᓐᓂᔭᕈᓐᓀᒪᑕ, ᑭᓯᐊᓂ ᑐᐱᑦᓴᔦᑦ ᓴᓇᒻᒪᖏᑦ ᐊᑦᔨᑲᓴᐅᓲᕕᓃᑦ ᕿᓯᔦᓐᓇᓂᑦ ᑐᐱᕐᓂᑦ ᐅᕿᓐᓂᓴᒻᒪᕆᐅᒐᓗᐊᕐᓱᑎᒃ.
ᖃᓂᓐᓂᓭᑦ ᐱᖓᓱᑦ ᐊᖑᑏᑦ ᑐᐱᓕᕆᔪᑦ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᑐᐲᑦ ᐱᕈᕐᓯᒪᓲᕕᓃᑦ ᐅᔭᕋᕐᓄᑦ ᐊᑦᓱᓈᓄᑦ ᓄᕐᓗᖃᕐᑎᓗᒋᑦ, ᕿᔪᖃᕐᓱᑎᓗ ᕿᒥᕐᓗᓂᒃ ᓇᐸᒃᑫᒍᑎᓂᓗ. ᑕᒐ ᐊᐅᓪᓚᓯᑐᐊᕐᒥᒍᑎᒃ, ᑐᐱᕐᒥᓂᒃ ᑐᕐᕿᑎᕋᔭᓐᖑᐊᑐᑦ 30-ᒥᓂᑦᔅ ᐃᓗᐊᓂ ᐊᒻᒪᓗ ᐃᑲᐅᕐᒥᐅᑉ ᓇᑉᐸᒋᐊᓪᓚᖓᓂ ᓱᓇᓕᒫᒥᓂᒃ ᐅᓯᓕᕐᑐᐃᓱᑎᒃ ᓇᕿᑕᕐᓱᒋᓪᓗ, ᐃᓄᓕᒫᑦᓯᐊᑦ ᐃᑲᔪᕐᑎᓗᒋᑦ.
ᖃᓂᓐᓂᓴᖅ ᐊᑦᔨᓕᐊᕕᓂᖅ ᐊᖑᑎᒃ ᑐᐱᓕᕆᔪᖅ.
ᓱᓇᒥᑦᑐᖅ ᑕᑯᑦᓴᐅᓂᖓ ᓄᓇᓕᐊᕉᑉ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᕿᒻᒦᑦ ᖃᓂᑦᑑᖏᓐᓇᓲᕕᓃᑦ ᐊᓅᕐᑕᐅᑐᐃᓐᓇᕆᐊᖃᕐᓱᑎᒃ ᐊᓄᕇᕐᓯᒪᓐᖏᑐᐊᕈᑎᒃ, ᐱᐊᕃᓪᓘᑯᐊ ᐊᓕᐊᓐᖑᐊᓗᑳᑦᑐᑦ, ᐃᑲᔪᕋᓗᐊᕈᑎᒃ ᐃᑲᔪᕈᒪᒐᓗᐊᕈᑎᓘᓐᓃᑦ ᐅᓇᑎᑐᑦ ᓱᕈᓯᑎᑐᑦ.
ᐊᖏᓪᓕᑎᕐᓯᒪᔪᖅ ᐊᑦᔨᖑᐊᖅ ᐃᓚᒌᑦ ᑐᐱᕋᓱᐊᕐᑐᑦ.
ᐊᖏᓪᓕᑎᕐᓯᒪᔪᖅ ᐊᑦᔨᖑᐊᖓ ᑲᒃᑲᓛᑉ.
ᖃᓂᓪᓕᑎᕐᓯᒪᔪᖅ ᐊᖑᑎᒃ ᓄᓇᒥ ᐃᑦᓯᕙᔪᖅ, ᓴᓇᐅᒐᕐᓱᓂ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᑎᑭᒃᑲᒥᒃ ᓄᓇᑐᕐᓕᒋᓚᖓᓕᕐᑕᒥᓄᑦ ᒪᙯᒋᐊᓯᓲᒍᒻᒥᔪᑦ, ᐊᖑᓇᓱᑦᑏᑦ ᒪᙯᓐᖏᑐᐊᕋᒥᒃ ᓱᖃᑦᓯᓯᓲᑦ ᓴᓇᓐᖑᐊᓯᑦᓱᑎᒃ ᐅᓇᑎᑐᑦ ᐊᖑᓇᓱᑦᑎᑎᑐᑦ; ᐱᑖᕆᓚᐅᕐᓯᒪᔭᕋ ᑌᓐᓇᓗᑐᑦ ᓴᓇᓐᖑᐊᑕᕕᓂᖓ, ᙯᖔᓚᐅᕐᓯᒪᒻᒪᑕ ᙯᑦᓯᒍᒪᑦᓱᑎᒃ, ᒪᓐᓇᓗ ᑲᖐᒋᓇᕐᑐᖑᐊᒍᑦᓱᓂ ᐊᒥᓱᒐᓛᑦ ᐃᓚᒌᑦᑐᑦ ᐃᓚᖏᑦ ᑖᑦᓱᒥᖓ ᓴᓇᓐᖑᐊᖃᑕᐅᔪᕕᓃᑦ ᓇᓪᓕᑭᑕᐅᑎᑦᓱᑎᒃ. ᐅᓇ ᐊᖑᑎᒃ ᑖᓐᓇᐅᔭᖏᑦᑐᖅ ᓴᓇᓐᖑᐊᒐᕐᒥᒃ ᙯᑦᓯᓚᐅᕐᓯᒪᔪᖅ ᑭᓯᐊᓂ ᐊᒃᑲᒋᓚᐅᕐᓯᒪᔭᖓ ᙯᑦᓯᓚᐅᕐᓯᒪᔪᖅ, ᐊᑭᓖᒍᑎᐊᐱᕕᓂᕐᓃᕙᖓᓗ ᓴᓇᓐᖑᐊᑐᕕᓂᓕᒫᑦ ᐊᕕᑦᓯᐊᒋᐊᓕᕕᓂᐅᑦᓱᑎᒃ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᖑᑎᐅᑉ ᐊᒡᒐᖏᑦ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᖑᑎᒃ ᓴᓇᐅᒐᕐᑐᖅ.
ᓱᓇᒥᒐᓱᐊᒻᒪᕆᑦᑐᖅ ᐊᑦᔨᓕᐊᕕᓂᖅ ᐃᒪᕐᐱᒃ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᑕᒐ ᐳᐃᔨᖃᕐᒪᖔᑦ ᓇᓯᓲᕕᓃᑦ ᓯᑦᔭᓂ ᐃᒪᕐᐱᒥᑦ ᐳᕐᑐᓂᕐᓴᐅᒫᐱᑦᑐᒦᑦᓱᑎᒃ. ᑌᑦᓱᒨᓇ ᕿᓚᓗᒐᕐᓯᐅᕙᓪᓗᓲᕕᓃᑦ.
ᓱᓇᒥᒐᓱᐊᒻᒪᕆᑦᑐᖅ ᐊᑦᔨᓕᐊᕕᓂᖅ ᖃᕐᙯᑦ, ᐱᖓᓱᓪᓗ ᐊᖑᑏᑦ ᖁᑭᐅᓯᔭᕐᑐᑦ, ᑕᕆᐅᒧᑦ ᑐᕌᕐᑎᑎᕐᓱᑎᒃ.
ᐊᖏᓕᒪᔪᖅ ᐱᖓᓱᑦ ᐊᖑᑏᑦ ᖁᑭᐅᓯᔭᕐᑐᑦ.
ᐊᖏᓕᒪᔪᖅ ᓯᑕᒪᑦ ᐊᖑᑏᑦ ᖁᑭᐅᓯᔭᕐᑐᑦ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᕿᓚᓗᒉᑦ ᓅᓲᑦ ᐅᐱᕐᖓᓴᐅᓕᕐᒪᑦ ᑐᕓᑦᑑᓕᑐᐊᕐᒪᑦ, ᖃᓂᓪᓕᐊᐱᓲᒍᑦᓱᑎᓗ ᓯᑦᔭᓄᑦ ᑌᒪ ᐃᑎᕐᓂᐊᓕᕋᒥᒃ ᑲᖏᕐᓱᓄᑦ; ᕿᓚᓗᒉᑦ ᓯᑦᔭᑎᒎᓐᖑᓱᓲᑦ ᓇᔪᓚᖓᓯᔭᖓ ᐱᐅᔪᐊᓗᒻᒦᑎᓗᒍ.
ᒪᕐᕉᒃ ᐊᖑᑏᒃ ᐊᑦᔨᓕᐅᕈᑎᒥᒃ ᑕᑯᓐᓇᑑᒃ. ᐁᑉᐸᖓ ᖁᑭᐅᓯᔭᕐᑐᖅ.
ᐊᖏᓕᒪᔪᖅ ᕿᓚᓗᒐᖅ ᖁᒃᑭᓗᑦᓯᒪᔪᖅ (ᖁᑭᕐᓯᒪᔪᖅ).
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᓇ ᕿᓚᓗᒐᕕᓂᖅ ᓱᒋᐊᕐᑕᕕᓂᖅ ᑐᖁᑦᓱᒍ, ᐃᓄᐃᓪᓗ ᖃᔭᕐᑐᕆᐊᓕᕕᓂᐅᑦᓱᑎᒃ ᐁᑦᓯᒍᑎᒋᑦᓱᒋᑦ ᕿᓚᓗᒐᕕᓂᕐᒥᒃ. ᐅᑯᐊ ᖃᔭᑯᑖᑦ ᐃᒪᕐᐱᓯᐅᑏᑦ ᐊᑐᕐᑕᐅᒪᕆᓲᕕᓃᑦ ᑲᖏᕐᓱᔪᐊᕐᒥ ᑕᑭᓂᖃᕈᓐᓇᓱᑎᒃ 24-ᓂᒃ ᐃᑎᒐᕐᓂᒃ (7-8 ᒦᑌᑦ) ᑕᑭᓂᖏᑦ ᖃᔦᑦ. ᖃᔭᖅ ᑌᒣᓪᓗᐊᑐᖅ ᒪᕐᕉᓄᑦ ᐊᖑᑏᓐᓄᑦ ᐃᑎᑦᔭᑕᐅᒋᐊᖃᓲᕕᓃᖅ ᐊᒥᐊᕐᓯᒪᒐᒥᒃ ᐅᑦᔪᔭᓂᒃ, ᐱᖓᓱᐊᓗᐃᑦ ᐊᖏᔪᕕᓈᓗᐃᑦ ᕿᓰᑦ ᐃᓪᓕᓇᕐᑐᒪᕆᐊᓗᒻᒥᑦ ᐳᐃᔨᒥᑦ ᐱᓯᒪᑦᓱᑎᒃ. ᕿᓯᖓ ᐃᑦᔫᒍᓂᕐᓴᐅᒪᑦ ᓇᑦᓯᑐᐃᓐᓇᒥᑦ. ᖃᔭᕐᓂᒃ ᐊᒥᐊᕆᒍᓐᓇᐸᓐᓂᒥᔪᑦ ᓇᑦᓯᔭᑐᐃᓐᓇᓄᑦ, ᑭᓯᐊᓂ ᐊᑐᕆᐊᖃᓲᕕᓃᑦ ᓯᑕᒪᐅᔪᓐᖏᒐᕐᑐᓂᒃ ᓯᑕᒪᐅᔪᕐᑐᓂᓘᓐᓃᑦ ᕿᓯᓂᒃ ᖃᔭᕐᒥᒃ ᐊᒥᐊᕆᓚᖓᑐᐊᕈᑎᒃ.
ᐊᖏᓕᒪᔪᑦ ᐊᖑᑏᑦ ᖃᔭᕐᒥᒃ ᐃᒫᕆᔪᑦ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᓇ ᐊᖑᓇᓱᑦᑏᑦ ᐃᓚᖓᑦ ᖃᔭᕐᒥᓄᑦ ᐃᑭᑎᑕᐅᒐᓱᐊᕐᑐᖅ ᐁᑦᓯᓂᐊᕐᒪᑦ ᐃᑭᖃᓕᕐᑐᒥᒃ ᐳᐃᔨᒥᒃ ᒫᓐᖓᑦ ᑕᑯᓐᓇᑕᐅᓗᓂ ᐊᖑᓇᓱᑦᑏᑦ ᓇᔪᑫᓐᓇᑕᖓᓂᑦ.
ᐊᑯᓪᓕᖅ ᑕᑯᑦᓴᐅᓂᖓ ᐊᖑᑎᒃ ᖃᔭᕐᒦᑐᖅ, ᐊᑦᔨᓕᐊᕕᓂᖅ ᖃᕐᖃᒦᑦᑐᒧᑦ.
ᑐᑭᓕᕇᑦ ᐊᑦᔨᓕᐊᕕᓃᑦ ᖃᔭᕐᑐᑐᑦ ᕿᓚᓗᒐᕐᒥᒃ ᓄᓈᕆᒋᐊᕐᑐᑐᑦ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᑖᓐᓇᓭᓐᓇᐅᓕᕆᕗᖅ ᑎᑭᑉᐸᓕᐊᓕᕐᑐᑦ ᐃᑭᖃᓕᕐᑐᒧᑦ ᕿᓚᓗᒐᕕᓂᕐᒧᑦ.
ᖃᔭᕐᑐᑐᖅ ᕿᓚᓗᒐᕐᒥᒃ ᓯᑦᔭᒧᑦ ᑎᑭᐅᑦᔨᔪᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᕿᓚᓗᒉᑦ ᐃᓪᓕᓇᕐᑐᒪᕆᐊᓗᕕᓂᐅᕗᑦ ᐱᐅᔪᓪᓗᑐᐊᒻᒥᒃ ᐅᕐᓱᖃᕋᒥᒃ, ᐊᓪᓛᑦ ᐅᕐᓲᑉ ᓯᓕᓐᓂᖓ 10-ᓯᐊᓐᑎᒦᑕᐅᒍᓐᓇᒪᑦ ᒪᑦᑕᖓᑕ ᐊᑖᕌᐱᑐᐃᓐᓇᖓᓃᑦᓱᓂ, ᐅᕐᓱᖓᓗ ᐅᕐᓱᕆᔭᐅᓲᕕᓂᐅᑦᓱᓂ ᖁᓪᓕᓄᑦ ᐅᑭᐅᖑᓕᕐᒪᑦ. ᒪᑦᑕᓘᓇ ᓂᕆᔭᐅᒍᓐᓇᓱᓂ ᑎᒥᒧᑦ ᐃᑲᔪᕐᑐᓚᕆᐅᑦᓱᓂ, ᓂᕆᔭᐅᒍᓐᓇᓱᓂ ᓂᒃᑰᑎᓪᓗᒍ ᑐᖁᑕᐅᕋᑖᕐᑎᓗᒍᓘᓐᓃᑦ ᐁᐸᔪᕐᑐᓚᖓᑦᓱᒍ ᒪᑦᑕᖓ.
ᐊᖏᓕᒪᔪᖅ ᓇᑦᓯᕕᓂᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐃᖏᕐᕋᓂᕐᒥᓂ ᓇᑦᓯᑐᐃᓐᓇᕆᐊᖃᕐᒥᔪᑦ ᐅᓇᑎᑐᑦ.
ᐊᖏᓕᒪᔪᖅ ᕿᓚᓗᒐᕕᓂᖅ ᖃᔭᕐᒧᑦ ᐱᑐᑦᓯᒪᔪᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᓇᑦᑕᐅᖅ ᐱᕈᕇᕐᓯᒪᓕᕐᑐᖅ ᕿᓚᓗᒐᖅ. ᕿᓚᓗᒉᑦ ᖃᒻᒥᓂᑕᐅᓐᖏᓂᕐᓴᐅᑐᐊᕋᒥᒃ ᖃᑯᕐᓂᓴᐅᓲᑦ. ᕿᓚᓗᒃᑳᓇᐅᑐᐊᕋᒥᒃ ᑐᖑᔪᐃᖓᓲᒍᑦᓱᑎᒃ ᖃᑯᕐᑕᒐᓛᐱᐅᑦᓱᑎᓗ. ᕿᓚᓗᒐᕕᓂᖅ ᓂᕿᒋᔭᐅᓲᒍᓐᓂᒥᔪᖅ; ᓂᕆᕙᑦᓱᒍ ᓂᕿᖓ ᓂᒃᑰᑎᓪᓗᒍ ᑯᔭᐱᒐᖓᑕ ᓈᓛᓃᑦᑐᖅ, ᑌᒣᑦᑑᓱᑎᓗ ᐊᕿᑦᑐᐊᐱᐅᓲᒍᑦᓱᑎᒃ, ᐊᒻᒪᓗ ᐃᓄᐃᑦ ᐃᕙᓗᖏᓐᓂᒃ ᐱᑖᓲᕕᓃᑦ ᒥᕐᓱᓕᕈᑎᒃ ᐃᕙᓗᒋᓛᕐᓱᒍ, ᑌᒣᓪᓗᐊᓕᑐᐊᕐᒪᑦ ᑐᒃᑐᖃᓲᒍᓚᐅᔪᓐᖏᒪᑦ, ᐊᓪᓛᑦ ᓄᓇᕕᐅᑉ ᑕᕐᕋᓕᒫᑲᓵᖓᓂ ᐊᓯᐅᓪᓗᑐᑫᓐᓇᓚᐅᕐᓯᒪᔪᑦ ᑐᒃᑐᐃᑦ.
ᕿᓚᓗᒐᖅ ᐳᑦᑕᔪᖅ, ᓯᑦᔭᐅᑉ ᓴᓂᐊᓂ.
ᐊᖏᓕᒪᔪᖅ ᐊᖑᑎᒃ ᖃᔭᓕᐅᕐᑐᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐃᒣᑦᑐᐃᑦ ᖃᔦᑦ ᓱᒃᑯᓕᕋᓗᐊᕐᒪᖔᑕ (ᑭᓛᓕᕋᓗᐊᕐᒪᖔᑕ) ᐃᑉᐱᔭᐅᖏᓐᓇᕆᐊᖃᓲᕕᓃᑦ. ᖃᔦᑦ ᐊᒥᐊᖏᑦ ᓱᒃᑯᓕᑐᐊᕐᒪᑕ ᐊᕐᕌᒎᒃ ᒪᕐᕈᑕᒫᑦ ᐊᓯᑦᔨᑕᐅᓲᕕᓃᑦ ᓄᑖᓄᑦ ᕿᓯᕐᓄᑦ.
ᐊᖑᑎᒃ ᖃᔭᓕᐅᕐᑐᖅ.
ᐊᖑᑎᒃ ᖃᔭᓕᐅᕐᑐᖅ.
ᐊᖑᑎᒃ ᖃᔭᓕᐅᕐᑐᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐊᒥᐊᕕᓂᕐᒥᒃ ᐲᕐᓯᑐᐊᕋᒥᒃ ᐃᒋᑦᓯᓂᐅᔭᒍᓗᓲᒍᓐᓂᔭᖏᑦᑐᑦ ᓱᓇᓕᐊᕆᒋᐊᓪᓚᓯᑦᓱᒍ: ᐴᖃᑦᑌᑦ, ᐃᒥᕐᑕᐅᑏᑦ, ᑲᒦᑦ ᐊᓗᖏᑦ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐊᕐᓀᑦ ᑲᑐᑦᔨᓱᑎᒃ ᐊᒥᐊᕆᓲᕕᓃᑦ ᑐᐱᐅᑉ ᐃᓗᐊᓃᑦᓱᑎᒃ; ᐅᓇᑕᒐ ᑕᑯᓐᓇᑕᕗᑦ ᐊᙰᕐᕈᐊᐱᒃ ᑖᒃᑯᓇᓐᖓᓕᒫᖅ ᐃᓄᑐᖃᐅᓂᕐᐸᐅᓱᓂ, `ᓲᓱᒋᔭᐅᓂᕐᐸᐅᓱᓂ`, ᐃᑲᔪᓲᖑᒐᒥ ᑲᑎᑎᕆᖃᑕᐅᑦᓱᓂ ᐱᖓᓱᓂᒃ ᐅᑦᔪᕕᓃᑦ ᕿᓯᖏᓐᓂᒃ.
ᐊᕐᓀᑦ ᖃᔭᐅᑉ ᐊᒥᑦᓴᖓᓂᒃ ᒥᕐᓱᑐᑦ ᑐᐱᕐᒥ.
ᐊᕐᓀᑦ ᖃᔭᐅᑉ ᐊᒥᑦᓴᖓᓂᒃ ᒥᕐᓱᑐᑦ ᑐᐱᕐᒥ.
ᖃᓂᓪᓕᒪᔪᖅ ᖃᔭᐅᑉ ᐊᒥᑦᓴᖓ.
ᖃᓂᓪᓕᒪᔪᑦ ᐊᕐᓀᑦ ᖃᔭᕐᒥᒃ ᐊᒥᐊᓖᔪᑦ, ᓯᓚᒥ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᓇᑦᓯᔦᑦ ᐊᑯᓂᓂᑕᓐᖑᓂᐊᓐᖏᐸᑕ ᐁᐸᔫᖏᓐᓇᓗᑎᓗ, ᒥᕐᓱᑕᐅᒍᓐᓇᑐᑦ, ᐃᑎᕈᕐᒦᖄᓚᐅᑲᑦᑎᓗᒋᑦ ᐴᖃᑦᑖᓘᔮᕐᑐᒥ ᖃᔭᐅᑉ ᐊᒥᐊᕕᓂᖓᓂᒃ.
ᐃᓄᐃᑦ ᖃᔭᕐᒥᒃ ᐊᒥᐊᓖᔪᑦ, ᓯᓚᒥ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐱᖓᓱᑦ ᕿᓰᑦ ᐅᐃᒍᕐᑕᐅᒌᑐᐊᕐᒪᑕ, ᖃᔭᐅᑉ ᑐᓕᒫᖓᓅᕐᑕᐅᓲᕕᓃᑦ, ᑌᒪ ᐊᕐᓀᑦ ᑕᓯᑎᕐᓱᒍ ᖃᔭᑦᓴᐅᑉ ᑐᓕᒫᖓᓅᓂᐊᓕᕋᒥᐅᒃ ᑭᖑᓪᓕᐹᕐᓯᐅᑎᓂᒃ ᒥᕐᓱᖏᓐᓂᒥᓂ ᑭᓗᖏᑦ ᐃᒻᒥᖃᔭᓐᖏᑐᓕᐊᕆᓗᒋᑦ, ᐃᒻᒥᖃᔭᓐᖏᑐᓕᐅᓚᖓᑐᐊᕋᒥᓗ ᐊᕐᓀᑦ ᓯᑕᒪᐅᔪᓐᖏᖔᕐᑐᒋᐊᖃᓲᕕᓂᐅᑦᓱᑎᒃ ᓯᑕᒪᐅᔪᕐᑑᓗᑎᓘᓐᓃᑦ ᐅᓪᓗᓭᓐᓇᖅ ᐱᔭᕇᕈᒪᓚᖓᑐᐊᕈᑎᒃ. ᐅᓪᓗᓕᒫᑲᓵᓲᕕᓃᑦ ᕿᓯᓂᒃ ᐅᐃᒍᓕᕋᒥᒃ, ᐅᓪᓗᒥ ᐊᑕᐅᓯᕐᑐᒋᐊᓪᓚᒥᑦᓱᑎᒃ ᖃᔭᑦᓴᐅᑉ ᑐᓕᒫᖓᓅᕆᒐᓱᐊᕐᓱᑎᒃ, ᖃᔭᓕᓪᓗ ᐊᑦᑕᕈᓱᐊᐱᑦᓱᓂ ᓯᖁᒥᓯᒪᔪᐃᑦᔮᕆᔪᕕᓂᐅᑎᓪᓗᒍ ᓱᒃᑯᓯᒪᔪᐃᑦ ᐊᓯᑦᔨᖃᑦᑕᓱᒋᑦ, ᒪᓂᕋᐅᑎᑦᓯᐊᕋᓱᐊᕐᓱᒋᑦ ᕿᔪᐃᑦ ᕿᓰᑦ ᑭᓚᑦᑕᐅᓂᐊᓐᖏᒪᑕ ᑐᓕᒫᒧᑦ ᑕᓯᑎᕐᑕᐅᓕᕈᑎᒃ.
ᐃᓄᐃᑦ ᖃᔭᕐᒥ ᐊᒥᐊᓖᔪᑦ, ᓴᓂᕋᖓᓃᑦᑐᒧᑦ ᐊᑦᔨᓕᐅᕐᑕᕕᓃᑦ.
ᐊᕐᓀᑦ ᕿᑐᕐᖓᒥᓂᒃ ᐊᒫᕐᑐᑦ.
ᐊᕐᓇᖅ ᖃᔭᐅᑉ ᐊᒥᑦᓴᖓᓂᒃ ᓇᑲᑦᓯᔪᖅ ᒥᕐᓱᓚᖓᑦᓱᒍ.
ᐃᓘᓐᓇᑎᒃ ᑕᑯᑦᓭᑦ ᐊᕐᓀᑦ ᖃᔭᕐᒥᒃ ᓅᑦᓯᔪᑦ.
ᐊᕐᓀᑦ ᖃᔭᐅᑉ ᓴᓂᐊᓂ ᓇᖏᕐᑐᑦ.
ᐊᕐᓀᑦ ᖃᔭᐅᑉ ᓴᓂᐊᓂ ᓇᖏᕐᑐᑦ.
ᖃᓂᑦᑑᑎᓪᓗᒋᑦ ᐊᑦᔨᓕᐅᕐᑕᕕᓃᑦ ᐊᕐᓀᑦ ᐊᒡᒐᖏᑦ ᖃᔭᐅᑉ ᐊᒥᑦᓴᖓᓂᒃ ᒥᕐᓱᑐᑦ.
ᖃᓂᑦᑑᑎᓪᓗᒋᑦ ᐊᑦᔨᓕᐅᕐᑕᕕᓃᑦ ᐊᕐᓀᑦ ᐊᒡᒐᖏᑦ ᖃᔭᐅᑉ ᐊᒥᑦᓴᖓᓂᒃ ᒥᕐᓱᑐᑦ.
ᖃᓂᓪᓕᒪᔪᖅ ᑲᒃᑲᓛᑉ ᑮᓇᖓ.
ᐊᕐᓀᑦ ᖃᔭᐅᑉ ᐊᑦᓱᓈᖏᓐᓂᒃ ᐋᕐᕿᓱᐃᔪᑦ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᒥᑭᔪᓐᖑᐊᓂᒃ ᐅᓐᖑᐊᖃᕐᕕᐅᔮᕐᑐᓕᐅᓲᕕᓃᑦ ᕿᓰᑦ ᑕᓯᑎᕐᓱᒋᓪᓗ ᕿᓚᑦᓱᓯᒪᑎᓪᓗᒋᑦ ᓄᑭᕕᓂᐅᑦᓱᑎᒃ ᐃᕙᓗᓐᓄᑦ, ᕿᓰᑦ ᑕᓯᑎᕐᑕᐅᒋᐊᖃᓲᕕᓂᐅᒻᒪᑕ ᐊᑦᑕᓀᑦᑑᓚᖓᑐᐊᕈᑎᒃ, ᓱᑲᑎᕋᓱᐊᒻᒪᕆᑦᓱᒋᑦ ᕿᓯᖅ ᐸᓂᕋᓱᐊᓕᑐᐊᕋᒥ ᑕᓯᓕᐅᒥᓲᒍᒻᒪᑦ ᓯᑎᓕᑦᓱᓂᓗ, ᕿᔫᔮᓚᕿᑦᓱᓂ ᑌᒫᒃ ᓯᑎᔫᑦᓴᕋᒥ. ᑌᒣᒻᒪᑦ ᕿᓰᑦ ᑕᓯᑎᕐᑕᐅᒋᐊᖃᓲᕕᓃᑦ ᖃᔭᑦᓯᐊᒍᓚᖓᑐᐊᕐᐸᑕ ᑌᒪ ᐊᕐᓀᑦ ᑭᖑᓪᓕᐹᕐᓯᐅᑎᓂᒃ ᑭᓗᖃᕐᓂᐊᓕᕐᒪᑕ ᖃᔭᖅ ᐃᒻᒥᖃᔭᓐᖏᑐᓕᐊᕆᑦᓱᒍ.
ᐅᖓᓯᑦᑑᒃ ᒪᕐᕉᒃ ᐊᕐᓈᒃ ᖃᔭᐅᑉ ᐊᒥᑦᓴᖓᓂᒃ ᒥᕐᓱᑑᒃ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐊᒥᐊᕆᓂᖅ ᐱᒐᓱᐊᒻᒪᕆᓐᓇᑐᐹᓗᒃ. ᐃᕙᓗᖃᓲᕕᓃᑦ ᕿᓚᓗᒐᐅᑉ ᓄᑭᖏᓐᓂᒃ, ᐸᓂᕐᓯᐊᕆᕐᖄᓚᐅᑲᑦᓱᒋᑦ ᙯᕐᑐᓂ ᑌᒪ ᐸᓂᕐᒪᑕ ᐊᕕᐅᕐᖄᐱᑦᑕᐅᓂᐊᓕᕐᒥᒐᒥᒃ ᐱᕐᕃᓱᒋᓪᓗ, ᑌᒣᓘᓕᕋᒥᓗ ᖁᓕᐅᓈᕐᑎᑐᓂᒃ ᒦᑕᓂᒃ ᐃᕙᓗᓐᓂᒃ ᐱᕐᕃᓲᕕᓂᐅᑦᓱᑎᒃ. ᐃᓅᓕᒫᓗ ᐃᑲᔪᕋᓱᐊᓲᕕᓂᐅᑦᓱᑎᒃ, ᕿᓰᑦ ᐅᐃᒍᔭᐅᒋᐊᓖᑦ, ᐋᕐᕿᓱᐃᑦᓯᐊᕆᐊᖃᓲᕕᓃᑦ ᕿᓰᑦ ᓇᐅᒃᑯᑦ ᑭᓗᖃᕐᕕᐅᓂᐊᕐᒪᖔᑕ ᒥᕐᓱᓗᒋᓪᓗ, ᐃᓄᓕᒫᑦᓯᐊᑦ ᐃᑲᔪᕐᐸᓚᐅᕐᑐᑦ ᐅᓪᓗᓭᓐᓇᖅ ᐱᔭᕇᕈᒪᓚᖓᑐᐊᕈᑎᒃ.
ᖃᓂᓪᓕᒪᔪᑦ ᐊᕐᓀᑦ ᐊᒡᒐᖏᑦ ᖃᔭᐅᑉ ᐊᒥᖓᓂᒃ ᒥᕐᓱᑐᑦ.
ᖃᓂᓪᓕᒪᔪᖅ ᐊᕐᓇᖅ ᐃᕙᓗᑦᓴᒥᒃ ᑕᓯᑎᕆᔪᖅ.
ᐊᕐᓇᖅ ᐋᕐᕿᓱᐃᔪᑦ ᖃᔭᐅᑉ ᐊᒥᖓᓂᒃ.
ᐊᕐᓇᖅ ᐋᕐᕿᓱᐃᔪᑦ ᖃᔭᐅᑉ ᐊᒥᖓᓂᒃ.
ᐊᕐᓇᖅ ᐋᕐᕿᓱᐃᔪᑦ ᖃᔭᐅᑉ ᐊᒥᖓᓂᒃ.
ᐊᕐᓇᖅ ᐋᕐᕿᓱᐃᔪᑦ ᖃᔭᐅᑉ ᐊᒥᖓᓂᒃ.
ᐊᕐᓇᖅ ᓴᑰᑦᑐᖅ ᕿᓯᒻᒥᒃ ᐅᓗᒻᒧᑦ.
ᖃᓂᓪᓕᒪᔪᖅ ᑲᒃᑲᓛᖅ ᓯᓂᑦᑐᖅ.
ᖃᓂᓪᓕᒪᔪᖅ ᑲᒃᑲᓛᖅ ᓯᓂᑦᑐᖅ.
ᖃᓂᓪᓕᒪᔫᒃ ᐊᕐᓇᐅᑉ ᐊᒡᒐᖏᒃ; ᖃᔭᐅᑉ ᐊᒥᖓᓂᒃ ᒥᕐᓱᑐᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᖃᔭᓕᐅᑉ ᐊᕐᓇᖓ ᐃᓕᒃᑰᑐᒥᒃ ᐱᔭᑦᓴᖃᓲᕕᓂᖅ; ᒥᕐᓱᓲᕕᓂᐅᒐᒥ ᖃᔭᐅᑉ ᐅᓲᔭᖓᓂᒃ, ᐅᓲᔭᕐᓗ ᐅᓲᔮᕐᓱᓂ. ᐊᑑᑎᕕᒋᒋᐊᓕᖓᓄᑦ ᐊᑐᕐᑕᐅᓲᖑᒐᓗᐊᖅ, ᖃᔭᖅ ᐊᖑᑎᐅᑉ ᐱᐅᑎᓪᓚᕆᐊᓗᒋᕙᐅᒃ. ᐊᖑᑎᒃ ᐊᕐᓇᑖᕐᖃᔭᓲᒍᓐᓂᔭᖏᑦᑐᖅ, ᐃᓄᐃᑦ ᐅᖃᐅᓯᖓᑎᒍᑦ, ᖃᔭᕐᑖᖏᓐᓂᓕᒫᒥᓂ. ᑌᒣᒻᒪᑦ ᑐᑭᓯᒍᓐᓇᓚᕿᔪᒍᑦ ᑖᓐᓇ ᐱᐅᑎᒃ ᓲᕐᓗ ᐅᓲᒻᒪᑦ, ᐃᒫᒃ ᑐᑭᖃᓚᕿᑦᓱᓂ ᐱᑦᓴᑖᕐᕕᐅᒍᓐᓇᖏᓐᓇᑐᖅ, ᐆᒪᔪᐃᑦ ᓴᕐᕿᓚᕿᑎᓪᓗᒋᑦ, ᓄᑕᕐᕿᐅᓚᕿᑎᓪᓗᒋᒃ ᐁᑉᐸᕇᒃ, ᑌᒫᒃ ᐃᓱᒪᒋᔭᐅᓲᕕᓂᖅ ᐃᓚᒋᔭᐅᒋᐊᖓ ᐃᓅᖃᑎᒌᑦᑐᓂ ᕿᑐᕐᖏᐅᓂᕐᓄᑦ: ᐃᓅᒍᑎᑦᓴᖃᑦᓯᐊᓯᑎᓪᓗᒋᑦ ᐃᓘᓐᓇᑎᒃ ᑭᖑᕚᕇᕐᑎᑐᑦ ᕿᑐᕐᖏᐅᓛᖁᒻᒥᓱᒋᑦ ᓯᕗᓂᑦᓴᑎᓐᓂ.
ᖃᓂᓪᓕᒪᔫᒃ ᐊᕐᓇᐅᑉ ᐊᒡᒐᖏᒃ; ᖃᔭᐅᑉ ᐊᒥᖓᓂᒃ ᒥᕐᓱᑐᖅ.
ᖃᓂᓪᓕᒪᔫᒃ ᐊᓇᐅᑉ ᐊᒡᒐᖏᒃ; ᖃᔭᐅᑉ ᐊᒥᖓᓂᒃ ᒥᕐᓱᑐᖅ.
ᖃᓂᓪᓕᒪᔫᒃ ᐊᓇᐅᑉ ᐊᒡᒐᖏᒃ; ᖃᔭᐅᑉ ᐊᒥᖓᓂᒃ ᒥᕐᓱᑐᖅ.
ᖃᓂᓪᓕᒪᔫᒃ ᐊᓇᐅᑉ ᐊᒡᒐᖏᒃ; ᖃᔭᐅᑉ ᐊᒥᖓᓂᒃ ᒥᕐᓱᑐᖅ.
ᐊᕐᓀᑦ ᖃᔭᐅᑉ ᓴᓂᐊᓂ ᓇᖏᕐᑐᑦ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᑕᒪᒃᑯᐊ ᐱᓇᓱᐊᕐᓂᐅᓲᕕᓃᑦ ᐱᒻᒪᕆᐊᓗᖁᑎᕕᓃᑦ ᐅᐱᕐᖓᓴᓐᖑᒪᑦ ᐃᓅᖃᑎᒌᑦᑐᓕᒫᑦ ᐱᒐᓱᐊᒻᒪᕆᓕᕐᑎᓗᒋᑦ: ᐊᕐᓇᐅᖃᑎᒌᑦ ᒥᕐᓱᓱᑎᒃ, ᐊᑕᐅᑦᓯᑯᒃ ᕿᓯᓕᕆᕙᑦᓱᑎᒃ, ᐊᑕᐅᑦᓯᑯᑦ ᓂᕆᓇᓱᐊᕐᐸᓱᑎᒃ, ᐊᒻᒪᓗ ᑭᓇᑐᐃᓐᓇᖅ ᐆᒪᔪᕐᓚᒥᒃ ᐊᓐᓂᑐᑐᐊᕐᒪᑦ, ᐆᑦᑑᑎᒋᓗᒍ ᐅᑦᔪᒥᒃ, ᐊᑐᐃᓐᓇᕈᕐᑎᕙᑦᑐᕕᓃᑦ ᐊᑕᐅᑦᓯᑯᐊᓗᒃ ᑲᑎᒪᓗᑎᒃ ᓂᕆᒻᒫᖃᑎᒌᓂᐊᓂᕐᒥᒃ. ᓯᑦᔭᒥᐅᑎᒍᑦ, ᐊᕐᓀᑦ ᓂᕆᓲᕕᓃᑦ ᑯᔭᐱᒐᖓᑕ ᐃᓚᖓᓂᒃ ᐊᖑᑏᑦᑕᐅᖅ ᓂᕆᓲᒍᑎᓪᓗᒋᑦ ᐊᓯᓪᓗᑐᖓᓂᒃ. ᐊᕐᓀᑦ ᓂᕆᖃᑎᒌᓲᕕᓃᑦ ᑭᓇᑐᐃᓐᓇᓗ ᙯᒐᓕᓕᑐᐊᕐᒪᑦ ᐃᒫᒃ: ᑯᔭᐱᒍᓇ, ᑯᔭᐱᒃ, ᐅᖄᓕᕋᒥᒃ ᐊᓐᓂᑐᕐᑕᕕᓂᐅᑉ ᑯᔭᐱᒐᖓᑕ ᐃᓚᖓᓂᒃ, ᐊᕐᓇᓕᒫᑦᓯᐊᑦ ᐅᓪᓚᓲᕕᓃᑦ ᐅᓗᒃᑭᓱᑎᒃ, ᐊᑐᓂᒃ ᑯᔭᐱᒐᕐᓂᒃ ᑎᒍᓯᓚᖓᑦᓱᑎᒃ, ᓂᕆᓲᒍᑦᓱᑎᓗ ᒪᒪᕐᓂᖓᓂᒃ ᓂᕿᑲᓪᓚᒥᒃ ᐊᑕᑦᓱᓂ ᑯᔭᐱᒐᕐᒧᑦ. ᐅᕝᕙᓘᓐᓃᑦ ᐃᒫᒃ: ᑯᑦᓯᓂᕈᓇ, ᑖᓐᓇᓗ ᐊᖑᑏᑦ ᑭᓯᐊᓂ ᓂᕆᓲᕆᑦᓱᓂᐅᒃ. ᐊᒻᒪᓘᑯᐊ ᐱᐊᕃᑦ ᓂᕆᒃᑲᑕᐅᒋᐊᖃᕐᒥᔪᐃᓪᓕ.
ᐊᕐᓀᑦ ᖃᔭᐅᑉ ᐊᒥᖓᓂᒃ ᒥᕐᓱᑐᑦ.
ᐊᕐᓇᖅ ᕿᑐᕐᖓᒥᓂᒃ ᐊᒫᒪᑦᑎᓯᔪᖅ.
ᐊᕐᓈᒃ ᒪᕐᕉᒃ ᐃᑦᓯᕙᔫᒃ, ᒥᕐᓱᓱᑎᒃ ᖃᔭᐅᑉ ᐊᒥᖓᓂᒃ.
ᐊᕐᓈᒃ ᒪᕐᕉᒃ ᐃᑦᓯᕙᔫᒃ, ᒥᕐᓱᓱᑎᒃ ᖃᔭᐅᑉ ᐊᒥᖓᓂᒃ.
ᐃᓄᐃᑦ ᖃᔭᐅᑉ ᓴᓂᐊᓃᑦᑐᑦ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᑌᒣᒻᒪᑦ ᐃᓄᐃᑦ ᐃᓚᖏᑦ ᓴᓇᓐᖑᐊᒐᓱᐊᒻᒪᕆᑐᐃᓐᓇᑐᕕᓃᑦ, ᑕᑯᑫᓐᓇᕋᑦᑕᑕᒐ, ᐊᓯᖏᑦᑕᐅᖅ ᐆᒪᔪᕕᓂᓕᕆᑎᓪᓗᒋᑦ ᐊᓯᒋᒻᒥᔭᖏᑦ ᐆᒪᔪᖃᕐᒪᖔᑦ ᓇᓯᑦᑎᓗᒋᑦ - ᑲᑐᑦᔨᓯᐊᒻᒪᕆᑦᓱᑎᒃ ᐱᓇᓱᐊᓲᕕᓃᑦ ᑕᙯᕐᓯᕙᒃᑲᓗᐊᕐᒥᓱᑎᓕ ᐃᒻᒪᖄ ᒥᕐᓱᕇᕐᑐᕕᓂᐅᑐᐊᕋᒥᒃ, ᐃᕙᓗᒻᒥᒃ ᐅᕐᓲᐱᑎᕆᔪᕕᓂᐅᑐᐊᕋᒥᒃ ᒥᑭᔪᒧᓪᓘᓃᑦ ᐳᔭᒧᑦ, ᑖᓐᓇ ᖁᓪᓕᐅᑉ ᐅᕐᓱᕕᓂᕆᑦᓱᒍ ᐊᒥᐊᒃᑰᓕᕐᑐᖅ, ᑭᓗᐃᑦ ᐅᕐᓱᒧᑦ ᐳᔭᒧᓪᓘᓃᑦ ᒥᖑᐊᑦᓯᐊᓱᒋᑦ ᐃᒻᒥᖃᔭᓐᖏᑐᓪᓚᕆᓕᐊᕆᑦᓱᒋᑦ.
ᖃᔭᖅ ᐃᒫᒎᕐᑐᖅ; ᖃᔭᕐᑐᑐᖅ ᐃᑦᓯᕙᔪᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᕐᓲᐱᓗᐊᓂᐊᓐᖏᓇᒥᒃ ᕿᓯᓐᓂᑦ, ᐊᑐᓲᕕᓃᑦ ᑐᒃᑐᔭᑐᖃᕕᓂᕐᓂᒃ, ᐆᓐᓃᓄᓇ ᓇᔪᕐᑎᒋᕇᕋᒥᐅᒃ, ᖄᕆᕙᑦᓱᒋᑦ ᐅᕐᓲᐱᓗᐊᓂᐊᓐᖏᓇᒥᒃ ᐊᒻᒪᓗ ᓂᕐᓗᖓᕕᒋᒍᓐᓇᓱᓂᐅᒃ ᖃᔭᖅ ᒥᕐᓱᓯᐊᕐᓂᐊᕋᒥᒃ. ᐅᓇᑕᒐ ᐱᔭᕇᕐᓯᒪᑦᓯᐊᓕᕐᑐᖅ ᖃᔭᖅ.
ᖃᔭᖅ ᐃᒫᒎᕐᑐᖅ; ᖃᔭᕐᑐᑐᖅ ᐃᑦᓯᕙᔪᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᑌᒪ ᖃᔭᕐᑐᓱᑎᒃ ᖃᔭᕐᓂᒃ ᑲᖏᕐᓱᔪᐊᕐᒨᕆᓕᕐᑐᕕᓃᑦ. ᑕᒪᑐᒨᓇᓗ ᖃᔭᕐᑐᓯᑎᐊᓘᒋᐊᓕᕕᓂᐅᑦᓱᑎᒃ ᓄᓇᓕᒻᒨᕆᓚᖓᑐᐊᕈᑎᒃ ᖃᔭᕐᓂᒃ. ᑌᒣᓘᖏᓐᓇᒐᓚᓲᕕᓂᐅᑦᓱᑎᓗ ᐸᐅᕐᓱᑎᒃ ᐃᑭᕋᓴᑯᑖᒃᑯᑦ ᑲᖏᕐᓱᔪᐊᒥ ᑲᑎᓯᓂᐊᕐᓱᑎᒃ ᐱᓱᑦᑐᕕᓂᕐᓂᒃ. ᖃᓂᓐᓂᓴᕐᔫᔮᓲᕕᓂᖅ ᐱᓱᑦᓱᓂ ᑕᓯᒍᐊᕐᓱᓂ ᕿᒻᒥᓂᒃ, ᐅᕝᕙᓘᓐᓃᑦ ᐅᑭᐅᒥ ᕿᒧᑦᓯᓱᑎᒃ, ᐊᕐᖁᑎᖃᕐᓂᒪᑦ ᑕᑭᓗᐊᑦᔭᖏᑦᑐᒥᒃ ᐅᕐᖁᒥᐅᑦ ᑲᖏᕐᓱᔪᐊᕐᓗ ᑲᖏᕐᓱᖓᑕ ᐊᑯᓐᓂᖓᓂ. ᐊᖑᓇᓱᑦᑎ ᑕᕆᐅᓕᐊᕙᓪᓗᓲᕕᓃᖅ ᑖᕐᓯᓕᕐᑎᓗᒍ ᑌᒪ ᐊᑕᐅᓯᕐᒥ ᒪᕐᕉᓂᓘᓐᓃᑦ ᐃᑲᐅᕐᓃᓂ ᐅᑕᕐᕿᓂᐊᓕᕋᒥ ᓇᑦᓯᓂᒃ ᐳᐃᓕᕐᒪᖔᑕ ᐊᓪᓗᑯᑦ. ᓇᑦᓰᑦ ᓇᓂᔭᐅᑦᓴᐅᑎᒋᐊᐱᓲᕕᓃᑦ, ᒥᑭᔪᐊᐱᒃ ᕿᕐᓂᑖᐱᐅᑦᓱᓂ ᐳᐃᑎᓪᓗᒍ ᑌᒪ ᐊᖑᓇᓱᑦᑎ ᖃᔭᕐᑐᓱᓂ ᐁᕙᓪᓕᐊᓂᐊᓕᕐᒪᑦ ᓱᒋᐊᓚᖓᑦᓱᓂ ᖃᓂᓪᓕᕈᓂ, ᓱᒋᐊᕈᓂᐅᓪᓗ ᐊᕐᖃᓚᖓᑦᓱᓂ ᐳᐃᒋᐊᓪᓚᓚᖓᒐᓗᐊᕐᒥᓱᓂ ᐊᓂᕐᓃᕈᑐᐊᕈᓂ, ᑮᑖᕐᔪᑯᓗᒃ ᐊᖑᓇᓱᑦᑎ ᑎᑭᑉᐸᓕᐊᓲᖅ ᐳᐃᔨᒧᑦ ᑌᒪ ᑑᕐᓂᐊᓕᕋᒥᐅᒃ ᑭᕕᔨᐊᕆᒍᓐᓀᓗᒍ.
ᐅᖓᓯᓪᓕᖓᔪᖅ ᐊᖑᑎᒃ ᓄᓗᐊᓕᐅᕐᑐᖅ ᓄᓗᐊᓕᐅᕈᑎᒥᒃ ᐊᑐᕐᓱᓂ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᐱᕐᖔᒥ ᐃᖃᓗᑉᐱᖃᓲᕕᓂᖅ, ᐃᖃᓗᐃᑦ ᑕᓯᕐᒥᐅᑌᑦ ᑰᑎᒍᑦ ᒪᔪᓲᕕᓃᑦ ᐅᑭᐊᑦᓴᐅᓕᕐᒪᑦ ᓱᕓᔭᒋᐊᕐᑐᓱᑎᒃ, ᑌᒪ ᐅᐱᕐᖓᓴᐅᓕᕐᒪᑦ ᐃᒪᕐᐱᒧᑦ ᓯᑐᓂᐊᓕᕐᒥᒐᒥᒃ, ᑰᑎᒎᖃᑦᑕᓱᑎᒃ. ᑌᒣᒻᒪᑦ ᐃᓄᐃᑦ ᓄᓗᐊᓕᕕᓃᑦ ᓂᐅᕕᐊᕆᒍᓐᓇᐸᑦᓱᒋᑦ ᒥᕐᖁᓕᓐᓂᒃ ᓂᐅᕐᕈᓯᕐᓗᑎᒃ. ᓂᐅᕕᓲᕕᓃᑦ ᓄᓗᐊᓂᒃ ᖃᐅᔨᒪᓲᕕᓂᐅᑦᓱᑎᓗ ᓄᓗᐊᓕᐅᕆᐊᖅ ᑭᓪᓓᔦᒋᐊᕐᓗ, ᓄᓗᐊᑦ ᓱᒃᑯᓕᓐᖏᑲᓗᐊᕐᒪᖔᑕ ᐃᑉᐱᒋᔭᐅᒋᐊᖃᖏᓐᓇᓲᕕᓂᐅᒻᒪᑕ. ᒫᓂ ᑕᑯᓐᓇᑐᒍᑦ ᐊᖑᑎᒥᒃ ᐅᒥᐊᕌᐱᒥᓃᑦᑐᒥᒃ, ᓯᖁᒥᓯᒪᔪᓕᕆᑦᓱᓂ ᓄᓗᐊᓕᐅᕐᓱᓂᓘᓐᓃᑦ ᓄᓗᐊᑦ ᐃᓯᕕᑦᓯᒪᑎᓪᓗᒋᑦ ᐊᕙᓗᐃᒪᑦᓱᑎᒃ ᐊᖑᑎᒥᒃ, ᐃᒻᒪᖄᓪᓘᓃᑦ ᓄᓗᐊᓂᒃ ᓴᓗᒻᒪᓭᑐᐃᓐᓇᑐᖅ ᐃᒫᓂᑦ ᐊᒧᔭᐅᑐᐊᕋᒥᒃ ᓄᓗᐊᑦ ᐊᖃᔭᓕᒻᒪᕆᐅᓲᒍᒻᒪᑕ.
ᐅᖓᓯᓪᓕᖓᔪᖅ ᐊᖑᑎᒃ ᓄᓗᐊᓕᐅᕐᑐᖅ ᓄᓗᐊᓕᐅᕈᑎᒥᒃ ᐊᑐᕐᓱᓂ.
ᐅᖓᓯᓪᓕᖓᔪᖅ ᐊᖑᑎᒃ ᓄᓗᐊᓕᐅᕐᑐᖅ ᓄᓗᐊᓕᐅᕈᑎᒥᒃ ᐊᑐᕐᓱᓂ.
ᐊᖑᑎᐅᑉ ᐊᒡᒐᖏᑦ ᓄᓗᐊᓕᐅᕐᑑᑉ ᓄᓗᐊᓕᐅᕈᑎᒧᑦ.
ᐊᖑᑎᐅᑉ ᐊᒡᒐᖏᑦ ᓄᓗᐊᓕᐅᕐᑑᑉ ᓄᓗᐊᓕᐅᕈᑎᒧᑦ.
ᐊᖑᑎᐅᑉ ᐊᒡᒐᖏᑦ ᓄᓗᐊᓕᐅᕐᑑᑉ ᓄᓗᐊᓕᐅᕈᑎᒧᑦ.
ᐊᖑᑎᐅᑉ ᐊᒡᒐᖏᑦ ᓄᓗᐊᓕᐅᕐᑑᑉ ᓄᓗᐊᓕᐅᕈᑎᒧᑦ.
ᐅᖓᓯᓪᓕᒪᔪᖅ ᐊᐅᔭᒥ ᓄᓇᓕᐊᕈᐃᑦ.
ᐅᖓᓯᓪᓕᒪᔪᖅ ᐊᐅᔭᒥ ᓄᓇᓕᐊᕈᐃᑦ.
ᖃᓂᑦᑑᑎᓪᓗᒍ ᐊᑦᔨᓕᐅᕐᑕᕕᓂᖅ ᐊᕐᓇᖅ ᐃᑦᓯᕙᔪᖅ ᓄᓇᒥ ᐊᓃᕐᓱᓂ. ᓴᓇᐅᒐᓚᖓᔪᖅ ᑑᓪᓕᖑᐊᒥᒃ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᖄᓚᐅᑯᒻᒥᔪᖓ ᐃᕙᓗᐃᑦ ᒥᑦᓵᓄᑦ. ᑌᒣᑦᑐᓂᒃ ᐃᕙᓗᓐᓂᒃ ᑎᒻᒥᐊᔭᕐᒥ ᒥᕐᖁᑎᖃᐅᑎᐊᐱᒦᑦᑎᓯᓲᕕᓃᑦ, ᖃᓄᐃᑦᑐᕕᓂᐅᒐᓗᐊᕐᐸᑦ ᑎᒻᒥᐊᖅ, ᑭᓯᐊᓂ ᑎᒻᒥᐊᔭᖃᒍᒪᓲᒍᓂᕐᓴᕕᓃᑦ ᑑᓪᓕᔭᕐᓂᒃ, ᑑᓪᓖᑦ ᐃᒪᕐᓯᐅᑎᐅᑦᓱᑎᒃ ᓅᑲᑦᑕᓲᑦ ᑕᕐᕋᒥ ᒥᑎᐊᕋᕐᑖᓛᕐᓱᑎᒃ ᑕᐅᑦᑐᓕᒐᓴᕐᔪᐊᖃᕐᓱᑎᓗ ᐱᓗᖏᑦ. ᐅᓂᒃᑳᑐᐊᖃᕐᓯᒪᕗᖅ ᐃᓄᐃᑦ ᐅᓂᒃᑳᐸᑦᑕᕕᓂᖓᓂᒃ ᑌᑦᓱᒪᓂᒻᒪᕆᐊᓗᒃ, ᑑᓪᓕᓗ ᓇᐅᔭᕐᓗ ᖃᑯᕐᑕᐅᓂᕐᒪᑎᒃ ᑭᓯᐊᓂ ᐊᓕᐊᓲᕕᓃᒃ ᒥᖑᐊᕐᓯᒋᐊᖅ. ᑌᒣᒻᒪᑦ ᑖᒃᑯᐊ ᒪᕐᕉᒃ ᖃᑯᕐᑖᒃ ᐃᒪᕐᐱᒥᐅᑕᐅᑦᓱᑎᒃ ᑎᒻᒥᐊᒃ ᒥᖑᐊᖃᑦᑕᐅᑎᓕᕐᑐᕕᓃᒃ, ᓇᐅᔭᖅ ᑑᓪᓕᒥᒃ ᒥᖑᐊᕆᕐᖄᑎᓪᓗᒍ, ᑑᓪᓕᑕᐅᖅ ᒥᖑᐊᕆᒍᒪᓐᓂᒥᔪᖅ ᓇᐅᔭᕐᒥᒃ, ᑭᓯᐊᓂ ᒥᖑᐊᕆᑦᓯᐊᓂᑦᔭᖏᑦᑐᖅ ᒥᖑᐊᕐᓯᐅᑎᓕᒫᕌᓗᒻᒥᓗ ᑯᕕᓯᑦᓱᓂ ᑌᒪ ᑯᕕᔭᐅᔪᖅ ᑐᓗᒐᓐᖑᓂᐊᓕᕐᒪᑦ, ᕿᕐᓂᑌᓐᓇᖑᑦᓯᐊᓱᓂ, ᑕᒫᓃᑦᓱᓂᑕᒐ ᐱᐅᔪᐊᓗᒻᒥᒃ ᑕᕐᓴᖃᓕᕐᑐᕕᓂᖅ ᒥᕐᖁᑎᖃᐅᑎᓐᖑᑕᐅᑦᓱᓂ. ᑭᓯᐊᓂ ᒥᕐᖁᑎᖃᐅᑎᐅᑉ ᐱᓗᖏᑦ ᐃᓗᐊᓃᖔᕐᑎᓗᒋᑦ. ᑌᒣᒻᒪᑦ ᑎᒻᒥᐊᑉ ᐱᐅᓂᖓᓂᒃ ᑕᑯᒍᒪᑐᐊᕈᑦᑕ, ᑕᑯᓐᓇᕆᐊᓕᕗᑦ ᓇᔪᒐᕐᒥᓃᑦᑎᓗᒍ ᐱᓗᖏᑦ ᓯᓚᑖᓃᖔᕐᑎᓗᒋᑦ.
ᐊᕐᓇᖅ ᑎᒻᒥᐊᒥᒃ ᐊᒦᕐᓯᔪᖅ.
ᖃᓂᓪᓕᒪᔪᖅ ᐊᕐᓇᖅ ᑎᒻᒥᐊᓕᕆᔪᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᑑᓪᓕᖅ ᓯᒡᒍᑯᑖᓕᒃ ᑕᐅᑐᑦᓯᐊᓱᓂᓗ, ᑌᑦᓱᒨᓇᓗ ᐃᓄᓐᓄᑦ ᑭᒡᒐᕆᔭᐅᕙᑦᑐᕕᓂᐅᑦᓱᓂ ᐊᓂᕐᓃᑦ ᐃᒻᒧᐊᓂ, ᐆᒪᔪᒻᒪᕇᑦ ᐃᒻᒧᐊᓂ, ᐃᓅᖃᑎᒌᑦᑐᐃᓗ ᐃᒻᒧᐊᓂ. ᑑᓪᓕᖅ ᓄᐃᑐᐊᕋᒥ ᑕᑯᑦᓱᓂᓗ ᐊᖑᓇᓱᑦᑎᒥᒃ ᓄᓇᑐᐃᓐᓇᓕᐊᕐᑐᒥᒃ, ᐅᖓᓯᑦᑐᑲᓪᓚᒥᑦ ᐱᑦᓱᓂ, ᑑᓪᓕᖅ ᐃᑎᒐᔮᕐᒥᑕ ᐁᑉᐸᖓᓂᒃ ᐊᑐᕐᓱᓂ ᑎᒃᑯᑐᓲᕕᓂᖅ ᑐᒃᑐᓂᒃ ᑕᑯᕕᒋᓂᐊᕐᑕᖓᓂᒃ ᐊᖑᓇᓱᑦᑎᐅᑉ. ᑌᒣᒻᒪᑦ ᑕᒪᓐᓇ ᓱᕐᖁᐃᑐᒥᒃ ᐅᑉᐱᕆᔭᐅᔪᕕᓂᖅ, ᑭᓯᐊᓂ ᐊᒥᓱᑦ ᐊᖑᓇᓱᑦᑏᑦ ᑐᓵᑦᓱᒋᑦ ᑕᒪᓐᓇ ᓱᓕᔪᕕᓂᕐᔫᔮᕐᑐᖅ. ᑌᒣᒻᒪᑦ ᐃᓄᐃᑦ ᓲᓱᑦᓴᑐᒻᒪᕆᕕᓃᑦ ᑑᓪᓕᓂᒃ. ᑑᓪᓕᖅ ᑐᖁᑕᐅᒋᐊᖃᓐᖏᓗᑐᕐᓱᓂ ᐱᑦᔪᑎᑦᓯᐊᒍᓐᖏᑐᒧᑦ, ᐊᓕᐊᓱᓐᖑᐊᑐᐃᓐᓇᑐᓄᑦ ᐅᕝᕙᓘᓐᓃᑦ ᓂᕆᔭᑦᓴᒫᕆᓗᒍ. ᑑᓪᓕᖅ ᐱᒻᒪᕆᐊᓗᒻᒥᒃ ᐱᔭᑦᓴᖃᓲᕕᓂᖅ, ᒪᓕᓲᒍᑦᓱᓂ ᐊᕐᓇᓂᒃ, ᐊᕐᓇᓗ ᑑᓪᓕᔭᓂᒃ ᐱᓇᓱᐊᓲᕕᓂᐅᑦᓱᓂ ᐊᖑᓚᕙᑦᓱᒍ, ᐅᓕᑦᑎᓱᒍ ᐊᖑᓚᑦᓱᒍᓗ ᐸᓂᑦᓯᐊᓛᕐᒪᑦ ᒥᕐᖁᑎᖃᐅᑎᓐᖑᑐᑦᓯᐊᒍᓗᓂᓗ. ᑌᒣᒻᒪᑦ ᐃᕙᓗᓂᒃ ᑐᕐᖁᐃᑐᐊᕋᒥᒃ ᒥᕐᖁᑎᖃᐅᑎᒧᑦ, ᑐᒃᑑᑉ ᓄᑭᕕᓂᖏᓐᓂᓗᐊᓐᖑᐊᖅ, ᐅᕝᕙᓘᓐᓃᑦ ᕿᓚᓗᒐᐅᑉ, ᑐᕐᖁᓯᒪᒐᒥᒃ ᐸᓂᕐᑐᓯᐊᒥ ᓱᔪᓲᖑᓐᓂᔭᖏᑦᑐᑦ.
ᐊᕐᓇᐅᑉ ᐊᒡᒐᖏᒃ ᑎᒻᒥᐊᒥᒃ ᐊᒦᕐᓯᔪᖅ.
ᖃᓂᑦᑑᑎᓪᓗᒍ ᐊᑦᔨᓕᐅᕐᑕᕕᓂᖅ ᐊᕐᓇᐅᑉ ᑮᓇᖓ.
ᖃᓂᑦᑑᑎᓪᓗᒋᒃ ᐊᑦᔨᓕᐅᕐᑕᕕᓃᒃ ᐊᕐᓇᖅ ᐊᒻᒪᓗ ᑲᒃᑲᓛᑉ ᑮᓇᖓ.
ᖃᓂᑦᑑᑎᓪᓗᒍ ᐊᑦᔨᓕᐅᕐᑕᕕᓂᖅ ᑲᒃᑲᓛᑉ ᑮᓇᖓ.
ᖃᓂᑦᑐᒪᕆᐅᑎᓪᓗᒍ ᐊᑦᔨᓕᐅᕐᑕᕕᓂᖅ ᐊᕐᓇᖅ ᐱᓇᓱᐊᕐᑐᖅ ᐅᓗᒥᓂᒃ ᐊᑐᕐᓱᓂ, ᑎᒻᒥᐊᒥᒃ ᐊᒦᕆᑦᓱᓂ.
ᖃᓂᑦᑐᒪᕆᐅᑎᓪᓗᒍ ᐊᑦᔨᓕᐅᕐᑕᕕᓂᖅ ᐊᕐᓇᖅ ᐱᓇᓱᐊᕐᑐᖅ ᐅᓗᒥᓂᒃ ᐊᑐᕐᓱᓂ, ᑎᒻᒥᐊᒥᒃ ᐊᒦᕆᑦᓱᓂ.
ᖃᓂᑦᑑᑎᓪᓗᒋᑦ ᐊᑦᔨᓕᐊᕕᓂᖅ ᐊᕐᓇᖅ ᑎᒻᒥᐊᒥᒃ ᓇᑲᑎᕆᔪᖅ.
ᐊᕐᓇᐅᑉ ᐊᒡᒐᖏᒃ ᑎᒻᒥᐊᒥᒃ ᐊᒦᕆᔫᑉ.
ᖃᓂᑦᑐᒪᕆᐅᑎᓪᓗᒍ ᐊᑦᔨᓕᐅᕐᑕᕕᓂᖅ ᐊᕐᓇᖅ ᐱᓇᓱᐊᕐᑐᖅ ᐅᓗᒥᓄᑦ, ᑎᒻᒥᐊᒥᒃ ᐊᒦᕆᑦᓱᓂ.
ᖃᓂᑦᑐᒪᕆᐅᑎᓪᓗᒍ ᐊᑦᔨᓕᐅᕐᑕᕕᓂᖅ ᐊᕐᓇᖅ ᐱᓇᓱᐊᕐᑐᖅ ᐅᓗᒥᓄᑦ, ᑎᒻᒥᐊᒥᒃ ᐊᒦᕆᑦᓱᓂ.
ᖃᓂᑦᑐᒪᕆᐅᑎᓪᓗᒍ ᐊᑦᔨᓕᐅᕐᑕᕕᓂᖅ ᐊᕐᓇᖅ ᐱᓇᓱᐊᕐᑐᖅ ᑎᒻᒥᐊᒥᒃ ᓇᑲᑎᕆᑦᓱᓂ.
ᖃᓂᑦᑐᒪᕆᐅᑎᓪᓗᒍ ᐊᑦᔨᓕᐅᕐᑕᕕᓂᖅ ᐊᕐᓇᖅ ᐱᓇᓱᐊᕐᑐᖅ ᑎᒻᒥᐊᒥᒃ ᓇᑲᑎᕆᑦᓱᓂ.
ᖃᓂᑦᑐᒪᕆᐅᑎᓪᓗᒍ ᐊᑦᔨᓕᐅᕐᑕᕕᓂᖅ ᐊᕐᓇᖅ ᐱᓇᓱᐊᕐᑐᖅ ᑎᒻᒥᐊᒥᒃ ᓇᑲᑎᕆᑦᓱᓂ.
ᖃᓂᑦᑐᒪᕆᐅᑎᓪᓗᒍ ᐊᑦᔨᓕᐅᕐᑕᕕᓂᖅ ᐊᕐᓇᖅ ᐱᓇᓱᐊᕐᑐᖅ ᑎᒻᒥᐊᒥᒃ ᓇᑲᑎᕆᑦᓱᓂ.
ᖃᓂᑦᑑᑎᓪᓗᒍ ᐊᑦᔨᓕᐅᕐᑕᕕᓂᖅ ᐅᓗᒃ.
ᖃᓂᑦᑑᑎᓪᓗᒍ ᐊᑦᔨᓕᐅᕐᑕᕕᓂᖅ ᐊᕐᓇᖅ ᐱᓇᓱᐊᕐᑐᖅ ᐊᒦᕐᓯᓱᓂ ᑎᒻᒥᐊᑉ ᓂᐊᖁᖓᓂᒃ ᐊᒻᒪᓗ ᖁᖏᓯᖓᓂᒃ.
ᖃᓂᑦᑑᑎᓪᓗᒍ ᐊᑦᔨᓕᐅᕐᑕᕕᓂᖅ ᐊᕐᓇᖅ ᐱᓇᓱᐊᕐᑐᖅ ᐊᒦᕐᓯᓱᓂ ᑎᒻᒥᐊᑉ ᓂᐊᖁᖓᓂᒃ ᐊᒻᒪᓗ ᖁᖏᓯᖓᓂᒃ.
ᖃᓂᑦᑑᑎᓪᓗᒍ ᐊᑦᔨᓕᐅᕐᑕᕕᓂᖅ ᑎᒻᒥᐊᑉ ᐊᒥᖓ.
ᐊᕐᓇᖅ ᑎᒻᒥᐊᑉ ᐊᒥᖓᓂᒃ ᐊᕐᓇᐅᖃᑎᒥᓂᒃ ᐁᑦᑐᐃᔪᖅ.
ᐊᕐᓇᖅ ᑎᒻᒥᐊᑉ ᐊᒥᖓᓂᒃ ᐊᖑᓚᔪᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᒫᓂ ᐸᓂᒻᒥᓂᒃ ᑑᓪᓕᔭᒥᒃ ᐊᖑᓚᖁᔨᔪᖅ, ᐸᓂᖓ ᒍᒪᑦᓯᐊᔭᖏᒃᑲᓗᐊᕐᓱᓂ ᐊᖑᓚᓯᔪᖅ, ᑕᑯᓂᐊᕋᑦᑕ, ᖁᓄᒐᓛᑦᓱᓂ, ᑑᓪᓕᔭᒥᒃ ᐊᖑᓚᓐᓂᖅ ᐊᕐᓇᐅᑉ ᐱᔭᑦᓴᕆᓐᓂᒪᐅᒃ. ᑕᑯᓚᐅᔪᒍᑦ ᓴᓂᑭᓗᐊᕐᒥ ᑕᑯᓐᓇᕋᑦᓴᓕᐊᕕᓂᕐᒥ ᑖᕙᓂᒥᐅᑦ ᐊᓐᓄᕌᖃᕐᐸᑐᕕᓂᐅᒻᒪᑕ ᒥᑎᔦᓐᓇᓂᒃ, ᐊᖑᓚᕙᑦᓱᒋᑦ ᐅᕐᓱᖃᓂᐊᓐᖏᒪᑕ ᐱᒻᒪᕆᐊᓘᓲᕕᓂᖅ ᐊᕐᓀᑦ ᐱᔭᑦᓴᕆᑕᖓᓂᐅᒃ. ᑭᖑᓂᐊᒍᑦ, ᒥᑎᔭᖅ ᐸᓂᕋᓱᐊᓚᖓᔪᑦ ᐅᓪᓗᓂ ᐊᒥᓲᓐᖏᑑᒐᓗᐊᓂ ᐸᓂᕐᐸᑦ ᑭᓯᐊᓂ ᐊᑐᕐᑕᐅᒍᓐᓇᓯᓛᕐᓱᓂ.
ᐊᕐᓇᖅ ᑎᒻᒥᐊᑉ ᐊᒥᖓᓂᒃ ᐊᖑᓚᔪᖅ.
ᑲᒃᑲᓛᖅ ᕿᒻᒥᒥᒃ ᐱᖕᖑᐊᖃᑎᓕᒃ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᓇᑦᑕᐅᖅ ᐱᖃᓐᓈᕋ ᐋᓯᕙᒃ. ᑭᓇᑐᐃᓐᓇᖅ ᑖᑦᓱᒥᖓ ᑕᑯᔪᖅ ᓱᕈᓯᐊᐱᐅᔪᕆᑦᓯᒐᔭᕐᑐᖅ, ᑭᓯᐊᓂ ᓱᕈᓯᐅᑦᔭᖏᑦᑐᖅ, ᓂᕕᐊᕐᓯᐊᖅ, ᖃᓪᓕᐅᑉ ᖃᖏᐊᖓ, ᖃᓪᓕᓗ ᑖᑦᓱᒥᖓ ᑎᒍᐊᕐᑐᕕᓂᐅᑦᓱᓂ ᐸᓂᑖᕆᑦᓱᒍ ᐊᓂᒥᓂᑦ ᐸᑲᕐᑎᒥᑦ ᐁᑦᑑᓯᐊᕆᑦᓱᒍ. ᐋᓯᕙᐅᑉ ᐊᑎᖏᓐᓂ ᑕᓪᓕᒪᓂ, ᓯᑕᒪᑦ ᐊᖑᑎᐅᑉ ᐊᑎᕆᕙᖏᑦ, ᐃᓚᐅᑎᓪᓗᒍ ᐊᑖᑕᑦᓯᐊᖓᑕ ᐊᑎᖓ. ᓄᕝᕘᑲᖅ, ᓂᕕᐊᕐᓯᐊᑉ ᐊᑖᑕᑦᓯᐊᖓ ᐊᒻᒪᓗ ᐃᓚᒋᔭᐅᒻᒥᔪᖅ ᓯᑕᒪᓄᑦ ᐅᕐᖁᒥᐅᓄᑦ ᐊᖑᓇᓱᑦᑎᓄᑦ, ᑖᒃᑯᐊᓗ ᕿᖓᕐᒥᒍᑦ ᐅᓗᐊᕈᓯᔭᓕᕕᓂᐅᑦᓱᑎᒃ. ᑌᒣᒻᒪᑦ ᐃᓅᓕᕐᓂᕕᓂᕐᒥᓂᑦ, ᑭᑐᕐᖓᓕᒫᖏᓐᓂᑦ ᐃᕐᖑᑕᓕᒫᖏᓐᓂᓗ, ᑖᓐᓇ ᓂᕕᐊᕐᓯᐊᖅ ᑐᖁᔪᕕᓂᐅᑦᓱᓂ ᐊᑖᑕᑦᓯᐊᕆᕙᐅᒃ, ᐱᕈᑦᓴᑕᕕᓂᐅᑦᓱᓂ ᓱᕈᓯᐅᔮᕐᑎᓗᒍ. ᑐᕐᓱᕋᕐᑕᐅᓲᕕᓂᖅ ᓲᕐᓗ ᐊᑖᑕᑦᓯᐊᕆᑕᖓᓂᐅᒃ ᐅᕝᕙᓘᓐᓃᑦ ᐃᓚᒋᔭᕕᓂᐅᑦᓱᓂ ᐊᖑᑎᐅᑉ ᐊᑎᖓᓄᑦ, ᑭᓯᐊᓂ ᑕᕝᕘᓇᑦᓭᓇᖅ, ᑖᓐᓇ ᓂᕕᐊᕐᓯᐊᖅ ᐊᑎᖃᕐᓂᒥᔪᖅ ᐊᑦᓵᓗᒻᒥᑕ ᐊᑎᖓᓂᒃ, ᐋᓯᕙᐅᑦᓱᓂ, ᐋᓯᕙᓗ ᓂᖏᐅᖑᖃᑕᐅᔪᕕᓂᐅᑦᓱᓂ ᑌᒃᑯᓇᓂ ᒥᕐᓱᑫᓐᓇᑐᓂ. ᑌᑦᓱᒨᓇᓗ, ᑖᒃᑯᓂᖓ ᐱᐊᕋᕐᓂᒃ ᐃᓕᓐᓂᐊᑎᑦᓯᕙᑦᑐᕕᓃᑦ ᐃᓕᓐᓂᐊᕕᓐᓂ, ᐊᕐᓀᑦ ᐊᖑᑏᑦ ᐊᓐᓄᕌᖏᓐᓂᒃ ᐊᑐᓲᕕᓂᐅᓂᖏ ᐊᖑᑏᑦᑕᐅᖅ ᐊᕐᓀᑦ ᐊᓐᓄᕌᖏᓐᓂᒃ ᐊᑐᓲᕕᓂᐅᓂᖏᑦ ᐊᔪᒉᑦᑐᓗᑐᐊᓗᕕᓂᖅ, ᐃᓕᓐᓂᐊᑎᑦᓯᔩᓪᓗ ᑐᑭᓯᕐᖃᔭᓚᐅᕐᓯᒪᒐᑎᒃ ᓂᕕᐊᕐᓯᐊᓂᒃ ᓱᕈᓯᐅᔪᕆᑦᓯᕙᑦᓱᑎᒃ, ᐊᒻᒪᓗᐃᒃᑯᐊ ᓱᕈᓰᑦ ᓂᕕᐊᕐᓯᐊᑦ ᐊᓐᓄᕌᖏᓐᓂᒃ ᐊᓐᓄᕌᕐᓯᒪᓲᕕᓃᑦ, ᐃᓚᖏᐊᓪᓛᑦ ᐱᕐᕃᓯᒪᕙᑦᓱᑎᒃ, ᐃᓕᓐᓂᐊᑎᑦᓯᔩᓪᓗ ᑕᑯᒐᒥᒃ ᑕᑕᒥᑦᓯᐊᐸᑦᑐᕕᓂᐅᑦᓱᑎᒃ, ᐱᔭᑦᓴᖃᓕᕐᑐᕕᓂᐅᑦᓱᑎᐊᓪᓛᑦ ᓱᕈᓯᕐᓂᒃ ᐊᖑᑎᒃᑯᕕᓐᓄᒃ ᖁᕐᕕᓕᐊᕐᑎᓯᒐᓱᒋᐊᖅ, ᓂᕕᐊᕐᓯᐊᑕᐅᖅ ᓂᕕᐊᕐᓯᐊᑯᕕᓐᓄᑦ ᖁᐃᒋᐊᕐᑐᐸᑦᑎᓗᒋᑦ, ᐱᐊᕃᑦ ᒪᓕᓲᕕᓂᐅᒻᒪᑕ ᒪᓕᒐᓕᐅᕐᑕᐅᓂᕕᓂᕐᒥᓂᒃ ᓱᓇᐅᒐᓗᐊᕈᑎᒃ, ᑌᒣᑦᑑᖏᓐᓇᓲᕕᓂᐅᑦᓱᑎᓗ ᐱᐊᕋᐅᓂᓕᒫᒥᓂ, ᓱᕈᓯᖅ ᐆᒪᔪᕆᐅᓐᖏᓂᖓᓂ ᓂᕕᐊᕐᓯᐊᑕᐅᖅ ᐊᐅᓈᕆᐅᓐᖏᓂᖓᓂ. ᑭᓯᐊᓂ ᐊᒥᓲᓪᓗᐊᓂᑦᔭᖏᑦᑐᑦ ᑌᒣᓕᖓᔪᑦ ᑌᑦᓱᒪᓂᐅᒻᒪᑦ; ᓄᓇᓕᓐᓂ ᑭᑎᑦᓯᒍᓐᓇᓚᐅᕐᓯᒪᔪᖓ ᑌᒣᑦᑐᓂᒃ, ᐱᐊᕋᓕᒫᓂᑦ 15-ᐳᓴᒋᔭᐅᑐᐃᓐᓇᕆᐊᓕᕕᓃᑦ.
ᐅᖓᓯᑦᑑᑎᓪᓗᒋᒃ ᐊᑦᔨᓕᐊᕕᓃᒃ ᐊᕐᓇᖅ ᐊᒻᒪᓗ ᕿᑐᕐᖓᖓ, ᓯᓚᒥ.
ᑲᒃᑲᓛᖅ ᒪᑐᒥᒃ ᐱᖕᖑᐊᓕᒃ.
ᑲᒃᑲᓛᖅ ᕿᒻᒥᒥᒃ ᐱᖕᖑᐊᖃᑎᓕᒃ.
ᐅᖓᓯᓪᓕᖓᑎᓪᓗᒍ ᐊᑦᔨᓕᐊᕕᓃᑦ ᕿᒧᑦᓰᑦ.
ᐅᖓᓯᓪᓕᖓᑎᓪᓗᒍ ᐊᑦᔨᓕᐊᕕᓃᑦ ᕿᒧᑦᓰᑦ.
ᐅᖓᓯᓪᓕᖓᑎᓪᓗᒍ ᐊᑦᔨᓕᐊᕕᓃᑦ ᕿᒧᑦᓰᑦ.
ᐅᖓᓯᓪᓕᖓᑎᓪᓗᒍ ᐊᑦᔨᓕᐊᕕᓂᖅ ᐊᕐᓇᖅ ᐱᖓᓱᓂᒃ ᑲᒃᑲᓛᓂᒃ ᐱᓱᖃᑎᓕᒃ.
ᐅᖓᓯᓪᓕᖓᑎᓪᓗᒍ ᐊᑦᔨᓕᐊᕕᓂᖅ ᐊᕐᓇᖅ ᐱᖓᓱᓂᒃ ᑲᒃᑲᓛᓂᒃ ᐱᓱᖃᑎᓕᒃ.
ᐅᖓᓯᓪᓕᖓᑎᓪᓗᒍ ᐊᑦᔨᓕᐊᕕᓂᖅ ᐊᕐᓇᖅ ᐱᖓᓱᓂᒃ ᑲᒃᑲᓛᓂᒃ ᐱᓱᖃᑎᓕᒃ.
ᐅᖓᓯᑦᑑᑎᓪᓗᒋᑦ ᐊᑦᔨᓕᐊᕕᓃᑦ ᐊᖑᑏᑦ ᐱᖓᓱᑦ ᐱᓱᖃᑎᓖᑦ ᕿᒻᒥᓂᒃ ᓇᒻᒪᐅᓯᔭᕐᑐᓂᒃ ᓄᓇᒥ ᓇᐹᕐᑐᖃᖕᖏᑐᒥ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᑕᒐ, ᕿᒻᒥᓗᑳᑦ. ᓄᓇᓯᒪᔪᑦ ᐃᓚᖏᑦ ᐱᓱᓲᕕᓃᑦ ᐊᐅᓚᒍᑎᖃᑦᓯᐊᖏᒧᑦ: ᐊᖑᑏᑦ, ᐃᓅᓱᑦᑐᐃᑦ ᐊᕐᓀᓗ ᐃᓚᖏᑦ ᐊᒫᕐᑎᓗᒋᑦ ᐅᕝᕙᓘᓐᓃᑦ ᐱᐊᕋᐅᒻᒥᔪᓂᒃ ᑕᓯᐅᕐᓱᑎᒃ, ᕿᒻᒦᓗᒪᑯᐊ ᓇᒻᒪᑎᑕᐅᑦᓱᑎᒃ ᖁᑉᐸᕇᓂᒃ ᓴᓂᕌᓃᑦᓱᑎᒃ ᕿᒻᒦᑦ, ᓇᒻᒪᑕᖏᑦ ᐃᓚᖓᓂ ᐅᖁᒣᑦᑐᑲᓪᓚᐅᓲᒍᑎᓗᒋᑦ. ᐱᓱᓲᕕᓃᑦ ᐃᑲᐅᕐᓂᓂ ᐊᒥᓱᒐᓛᓂ, ᐊᓕᐊᓲᕕᓂᐅᑦᓱᑎᓗ ᓄᕐᖃᖓᑫᓐᓇᕆᐊᒥᒃ ᐃᑲᐅᕐᓂᑕᒫᑦ, ᑕᖃᒐᒥᒃ ᑕᙯᕐᓯᓯᑦᓱᑎᒃ ᑕᙯᕐᓯᓂᕐᒥᓂᓗ ᐳᑯᓲᒍᑦᓱᑎᒃ ᕿᔪᓐᓂᒃ, ᐸᓂᕐᑐᓂᓗ ᑎᖓᐅᔮᐱᓂᒃ.
ᕿᒻᒥᖅ ᓇᒻᒪᐅᓯᔭᕐᑐᖅ ᐃᒥᕋᓱᐊᕐᑐᖅ.
ᐃᑯᐊᓚᑦᓯᔪᑦ.
ᒪᕐᕉᒃ ᐊᖑᑏᒃ ᐃᑯᐊᓚᒥᒃ ᕿᔪᑦᑕᓰᔫᒃ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᒥᑭᔪᒥᐅᓐᓃᑦ ᐃᑯᐊᓚᑦᓯᓲᕕᓃᑦ ᑏᓕᐅᕈᑎᒋᑦᓱᒍ, ᐃᒻᒪᖄ ᑏᕐᓗᒥᒃ ᒪᒣᑦᑐᖁᑎᒥᓪᓘᓃᑦ -- ᑖᒃᑯᐊ ᓄᓇᒥ ᐱᕈᓲᑦ, ᓂᕆᒐᓛᐱᒻᒥᓱᑎᓗ ᓂᒃᑯᓂᒃ ᐅᓇᑎᑐᑦ ᐃᓕᓰᑦᑐᑎᑐᑦ ᐃᕐᓂᕆᑦᓴᕈᓂᐅᒃ, ᕿᓚᓗᒐᕕᓂᕐᒥᒃ ᓂᒃᑯᑐᕐᓱᑎᒃ, ᑳᒍᐃᓐᓇᑐᑦᓯᐊᒍᒻᒪᑦ, ᐋᓪᓛᑦ ᓂᒃᑯᒥᒃ ᒪᑦᑕᑐᕐᐸᓱᑎᒃ. ᑖᒃᑯᐊᓕᒫᓗ ᑕᖁᐊᓕᐊᕆᑦᓱᒋᑦ ᓇᑦᓴᓲᕕᓂᕆᑦᓱᒋᑦ ᐊᐅᓚᓗᑎᒃ ᑕᙯᕐᓯᓕᕈᑎᒃ ᓂᕆᖃᑦᑕᕈᒫᕐᓂᐊᓱᒋᑦ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᖑᑎᐅᑉ ᐊᑎᒋᖓᑕ ᓇᓴᖓ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᕿᒻᒥᖅ ᐊᖁᐱᔪᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᑖᒃᑯᐊ ᐃᓄᐃᑦ ᑌᒪᓐᖓᑐᐃᓐᓇᖅ ᐃᓅᓯᕐᒥᓂ ᐱᓱᓲᕕᓃᑦ, ᒪᙯᒋᐊᕐᓱᑎᒃ, ᐃᖃᓪᓕᐊᕆᐊᕐᓱᑎᒃ, ᓅᑦᓱᑎᒃ ᓄᓇᓕᓕᐊᕐᓱᑎᓘᓐᓃᑦ ᑖᕙᓐᓇ ᑲᒻᐸᓂᒃᑯᖃᑐᐊᕐᒪᑦ, ᓯᕗᓂᐊᒍᑦ ᐅᐃᒍᐃᒃᑯᑦ ᓂᐅᕐᕈᓯᕐᕕᖃᕐᑐᕕᓂᐅᒐᓗᐊᕐᒥᔪᑦ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᐃᑯᐊᓚᑦᓯᔭᖅ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᖑᑎᒃ ᓂᕆᔪᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᑯᐊᑕᒐ ᒪᑦᑕᑐᓕᕐᑐᑦ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᓯᐊ ᐊᖑᑎᒃ ᓂᕆᔪᖅ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᖑᑎᐅᑉ ᐊᒡᒐᖏᒃ, ᓂᒃᑯᒥᒃ ᓇᑲᑎᕆᑎᓪᓗᒍ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᖑᑎᒃ ᓂᕆᔪᖅ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᖑᑎᐅᑉ ᐊᒡᒐᖏᒃ, ᓂᒃᑯᒥᒃ ᓇᑲᑦᓯᔫᒃ.
ᐊᖑᑎᒃ ᐆᔪᓕᐅᕈᑎᒥᒃ ᐃᑯᐊᓚᒥᑦ ᑎᒍᓯᔪᖅ, ᑯᕕᓯᑦᓱᓂᓗ ᖃᔪᖓᓂᒃ ᖃᓪᓗᑎᒧᑦ.
ᐅᖓᓯᑦᑑᑎᓪᓗᒋᒃ ᐊᑦᔨᓕᐊᕕᓃᒃ ᒪᕐᕉᒃ ᐊᖑᑏᒃ ᓄᓇᒥ ᐃᑦᓯᕙᔫᒃ, ᓂᕆᑦᓱᑎᒃ.
ᖃᓂᑦᑑᑎᓪᓗᒋᑦ ᐊᑦᔨᓕᐊᕕᓃᑦ ᓇᑲᑎᕐᓯᒪᔪᑦ ᓂᒃᑯᐃᑦ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᖑᑎᒃ ᐃᒥᕐᑐᖅ.
ᐅᖓᓯᑦᑑᑎᓪᓗᒋᒃ ᐊᑦᔨᓕᐊᕕᓃᒃ ᒪᕐᕉᒃ ᐊᖑᑏᒃ ᒪᕐᕉᓂᒃ ᕿᒻᒦᓂᒃ ᓇᒻᒥᓕᕐᑑᒃ.
ᐅᖓᓯᑦᑑᑎᓪᓗᒋᒃ ᐊᑦᔨᓕᐊᕕᓃᒃ ᒪᕐᕉᒃ ᐊᖑᑏᒃ ᕿᒻᒥᒥᒃ ᓇᒻᒥᓕᕐᑑᒃ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᕿᒻᒥᖅ ᐊᖁᐱᔪᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᑌᒣᑦᓴᓂᖏᓐᓂ ᕿᒻᒦᓕ ᐃᒥᕈᓱᐃᕐᓯᒪᓕᕐᑐᑦ ᓇᒻᒣᔮᕐᑕᕕᓂᐅᑦᓱᑎᒃ ᐃᖏᕐᕋᓯᓯᒻᒥᒍᑎᒃ ᓇᒻᒪᓯᓂᐊᕐᒥᓱᑎᒃ. ᑖᒃᑯᐊ ᕿᒻᒦᑦ ᐃᓕᓐᓂᐊᑎᑕᐅᓯᒪᑦᓯᐊᑐᐃᓗᐃᑦ ᕿᒻᒥᒋᐊᒍᓗᐊᓗᑐᐃᓐᓇᓂᒃ ᐊᐅᓚᒍᑎᖃᓲᒍᓐᓂᔭᖏᒻᒪᑕ.
ᐅᖓᓯᑦᑐᒥ ᐊᑦᔨᓕᐊᕕᓃᑦ ᐱᖓᓱᑦ ᐊᖑᑏᑦ ᐱᓱᖃᑎᓖᑦ ᐱᖓᓱᓂᒃ ᕿᒻᒥᓂᒃ ᓇᒻᒪᐅᓯᔭᕐᑐᓂᒃ ᓇᐹᕐᑐᖃᖕᖏᑐᒥ ᓄᓇᒥ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᓇᓗ ᐃᑲᔪᕐᓯᒪᔪᒻᒪᕆᐅᑦᓱᓂ ᓄᓇᑐᐃᓐᓇᓕᐊᓕᕐᒪᑕ ᕿᒻᒦᑦ ᑐᐲᑦ ᖃᓇᖏᓐᓂᒃ ᓴᓂᕋᕐᒥᑎᒍᑦ ᕿᓚᑦᓯᒪᕕᐅᑎᑕᐅᓲᒍᓐᓂᒪᑕ ᐅᓂᐊᕐᓂᐊᑕᖏᓐᓂ. ᕿᒻᒥᓂᓗ ᓇᒻᒪᑎᑦᓯᓲᕕᓂᐅᑦᓱᑎᒃ ᐆᒪᔪᕕᓂᕐᓂᒃ, ᐃᖃᓗᓐᓂᒃ ᓂᒃᑯᓂᓗ. ᖁᑭᐅᑎᒃᑭᒋᐊᒥᒃ ᐱᐅᔫᖏᓐᓇᓲᕕᓂᖅ ᑭᓇᑐᐃᓐᓇᖅ ᐅᑲᓕᑐᐃᓐᓇᕆᐊᖃᕐᒪᑦ ᐊᕿᒡᒋᒥᓪᓘᓃᑦ ᖁᐊᕐᓭᓂᓗᓂ, ᖁᑭᕈᓂᒋᓪᓗ ᐅᓐᓄᒍᒥᑕᑦᓴᖏᑦ ᐅᐊᕈᑎᑦᓴᑖᑦᓯᐊᓚᖓᑎᓪᓗᒋᑦ.
ᐅᖓᓯᑦᑑᑎᓪᓗᒍ ᐊᑦᔨᓕᐊᕕᓂᖅ ᖃᔭᕐᑐᑐᖅ ᐊᑦᔨᓕᐅᕈᑎᒧᑦ ᐊᓚᒃᑲᓱᓂ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᓇ ᐊᖑᑎᒃ ᖃᔭᕐᑐᓱᓂ ᐅᑎᕋᑖᖅ ᑲᖏᕐᓱᔪᐊᑉ ᑲᖏᕐᓱᖓᓂᑦ, ᑖᕙᓃᑫᓐᓇᒥᒐᑦᑕ, ᓄᓇᓕᐅᑉ ᖃᓂᑕᖓᓂ. ᑕᑯᒍᓐᓇᑐᑎᑦ ᖃᓄᖅ ᑖᓐᓇ ᐊᖑᑎᒃ ᒪᕐᕉᓄᑦ ᐃᐳᒻᒪᖔᑦ ᖃᔭᖓ ᐊᐅᓚᓗᐊᓂᐊᓐᖏᒪᑦ ᐲᕋᓱᐊᕐᓗᓂ ᐃᒫᓅᓂᐊᓐᖏᓇᒥ. ᖃᔭᕐᓗ ᑎᑭᑐᐊᕐᒪᑦ ᑭᓇᑐᐃᓐᓇᖅ ᖃᓂᑦᑑᑐᐊᕋᒥ ᐃᑲᔪᕆᐊᓲᖑᑦᓱᓂ ᖃᔭᖅ ᑲᖏᕙᕐᑕᐅᑎᓗᒍ ᓯᑦᔭᒧᑦ ᓄᓇᓕᒻᒧᓗ ᒪᕿᑦᓱᒍ, ᓄᓇᑐᕐᓕᒧᓪᓘᓃᑦ ᑖᕙᓃᑦᓴᕈᑎᒃ. ᑎᑭᒃᑲᒥᒃ ᖁᑭᐅᑎᒥᓂᒃ ᐃᓗᓖᑦᔭᕆᓴᐅᑎᒋᐊᐱᓲᕕᓃᑦ ᐃᒻᒪᖄ ᐱᐊᕋᕐᒧᑦ ᑲᒪᒋᔭᐅᓯᑐᐃᓐᓇᕆᐊᖃᕋᔭᕐᒪᑦ. ᒪᙯᑦᑐᐃᑦ ᐱᓂᕐᓗᐊᕿᑲᑦᑕᓲᕕᓃᑦ ᓱᕈᓯᖅ ᑐᕌᕐᑎᖑᐊᓕᕐᓂᒪᑦ ᐃᓗᓕᖃᕐᑐᕆᑦᓯᖏᓐᓇᒥ.
ᖃᔭᕐᑐᑐᖅ ᑎᑭᓴᕐᑐᑐᖅ.
ᖃᔭᕐᑐᑐᖅ ᑎᑭᓴᕐᑐᑐᖅ, ᐅᔭᕋᐅᓪᓗ ᖄᖓᓂ ᓂᑯᕐᕋᓯᑦᓱᓂ.
ᖃᓂᓪᓕᒪᔪᑦ ᐃᓄᐃᑦ ᖃᔭᓕᐊᕐᑐᑦ.
ᒪᕐᕉᒃ ᐃᓄᒻᒪᕇᒃ ᖃᔭᕐᒥᒃ ᓅᑦᓯᔫᒃ ᐃᕐᓱᓱᒍ.
ᒪᕐᕉᒃ ᐃᓄᒻᒪᕇᒃ ᖃᔭᕐᒥᒃ ᓅᑦᓯᔫᒃ ᐃᕐᓱᓱᒍ.
ᐅᖓᓯᑦᑑᑎᓪᓗᒋᑦ ᐊᑦᔨᓕᐊᕕᓃᑦ ᐊᕐᓀᑦ ᐅᕕᓗᕐᑕᑐᑦ, ᐅᒃᑯᓯᒥᒃ ᐴᖃᕐᓱᑎᒃ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᑌᒣᓪᓗᐊᓕᕐᑎᓗᒍ ᑖᕙᓐᓇ 15-ᓂ ᐅᓪᓗᓂ ᐅᓕᓐᖓᓲᖅ ᑕᕐᕿᕙᓗᓕᕐᒪᑦ ᐅᓪᓗᓗ ᐅᓐᓄᐊᓗ ᓇᓪᓕᖁᐊᕇᖃᑦᑕᓕᕐᒪᑎᒃ ᐅᓕᓐᖓᒐᓱᐊᒻᒪᕆᓲᒍᑦᓱᓂ, ᑌᒣᑦᑐᒥᒃ ᑕᑯᓲᒍᒻᒥᒐᑦᑕ ᓯᕿᓂᒋᐊᓪᓚᒥ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᐅᒃᑯᓯᒃ.
ᒪᕐᕉᒃ ᐊᕐᓈᒃ ᐅᕕᓗᕐᑕᑑᒃ.
ᒪᕐᕉᒃ ᐊᕐᓈᒃ ᐅᕕᓗᕐᑕᑑᒃ.
ᒪᕐᕉᒃ ᐊᕐᓈᒃ ᐅᕕᓗᕐᑕᑑᒃ.
ᖃᓂᑦᑑᑎᓪᓗᒋᒃ ᐊᑦᔨᓕᐊᕕᓃᒃ ᐊᕐᓇᐅᑉ ᐊᒡᒐᖏᒃ, ᑎᒍᒥᐊᕐᑐᖅ ᑲᓇᔪᕐᒥᒃ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᑕᒐ ᑎᓂᓐᖓᓕᑐᐊᕐᒪᑦ ᐃᓄᐃᑦ ᐅᕕᓗᕐᑕᓲᑦ/ᖁᓪᓗᓂᕐᑕᓲᑦ ᑲᓇᔪᕐᓯᐅᓱᑎᓗ - ᑲᓇᔪᐃᓪᓗ ᓂᕆᒋᐊᒥᒃ ᐊᓕᐊᒋᔭᐅᒻᒪᕆᓲᒍᑦᓱᑎᒃ; ᐅᓇᑕᒐ ᑲᓇᔪᐊᕋᖅ. ᑲᓇᔪᕐᓂᒃ ᑎᕐᑎᑎᑦᓯᓲᑦ, ᓴᐅᓂᓕᒻᒪᕆᐊᓘᑦᓱᑎᓗ, ᑕᑯᒍᓐᓇᑐᑎᒐ ᓂᐊᑯᕐᔪᐊᕌᓗᐊᓂᒃ, ᑭᓯᐊᓂ ᑲᓇᔪᕐᑐᕆᐊᒥᒃ ᒪᒪᕐᓴᒪᕆᐊᓗᑦᓴᓲᑦ. ᐅᖁᒻᒥᓯᑦᓴᕋᒥᑕᒐ ᓴᐅᓂᖏᓐᓂᒃ ᐅᕆᐊᓚᖓᔪᑦ ᖃᓂᕐᒥᑕ ᓴᓂᕋᖓᒍᑦ ᑌᒪ ᓂᕆᓂᐊᓕᕋᒥᒃ ᓂᕿᑕᖓᓂᒃ ᖃᑯᕐᑕᒥᒃ, ᑖᓐᓇ ᐊᑦᔨᐅᔭᖏᑦᑐᖅ ᐃᕕᑖᕉᑉ ᓂᕿᑕᖓᓂᒃ, ᑯᑦᓲᔭᐅᒻᒪᓕ ᓵᒪᑎᑐᑦ.
ᖃᓂᑦᑑᑎᓪᓗᒋᒃ ᐊᑦᔨᓕᐊᕕᓃᒃ ᒪᕐᕉᒃ ᐊᕐᓈᒃ ᑮᓇᒋᒃ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᓪᓗᒥᓗ ᐱᕕᑦᓴᓯᐊᕋᑕᐅᓕᕐᓱᓂ ᐃᓅᓲᑦᑐᐃᑦ ᐃᓄᒻᒪᕆᓐᖑᐸᓕᐊᓕᕐᑐᐃᓗ ᐱᓱᓐᖑᐊᓗᑎᒃ ᐅᑎᕐᓂᐊᓗᑎᒃ ᓄᓂᕚᒃᑭᓕᕐᓗᑎᒃ ᓂᕆᓚᖓᔭᖏᑦ ᐊᑦᔨᒌᓐᖏᑐᒐᓚᐅᓂᐊᕐᒪᑕ, ᓂᕆᓚᖓᔭᖏᑦ ᐃᒪᕐᐱᒥᐅᑕᐅᒻᒪᑕ.
ᐅᖓᓯᑦᑑᑎᓪᓗᒋᑦ ᐊᑦᔨᓕᐊᕕᓃᑦ ᐱᖓᓱᑦ ᐊᕐᓀᑦ, ᐊᖑᑎᒃ ᐊᒻᒪᓗ ᕿᒻᒥᖅ ᐱᓱᑦᑐᑦ.
ᐅᖓᓯᑦᑑᑎᓪᓗᒋᑦ ᐊᑦᔨᓕᐊᕕᓃᑦ ᐱᖓᓱᑦ ᐊᕐᓀᑦ, ᐊᖑᑎᒃ ᐊᒻᒪᓗ ᕿᒻᒥᖅ ᐱᓱᑦᑐᑦ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᑐᕈᓯᐊᐱᒃ ᑎᒻᒥᔫᖕᖑᐊᒥᒃ ᐱᖕᖑᐊᑐᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᓴᓇᒪᑦᓯᐊᑐᐊᐱᓐᓂᒃ ᐱᓐᖑᐊᓕᐅᓲᒍᓐᓂᒥᔪᑦ ᐱᐊᕋᕐᓄᑦ ᐃᓅᖃᑎᖃᑦᓯᐊᑐᐃᓐᓇᓲᒍᑦᓱᑎᓗ ᕿᒻᒥᓂᒃ… ᑕᒑ ᐱᐊᕋᖅ ᕿᒻᒥᐊᕋᖃᓲᕕᓂᖅ ᓂᕆᒃᑲᐸᑦᓱᒍ, ᑭᓯᐊᓂ ᐃᓛᓐᓂ ᑖᓐᓇ ᓱᕈᓯᖅ ᕿᒻᒥᐊᕋᕐᒥᒃ ᓂᒪᕐᑎᓯᒻᒪᕆᐊᓗᑦᓴᓚᐅᑲᑦᓱᓂ ᓄᓇᒧᑦ ᐃᒋᑦᓯᓲᒍᒻᒥᔪᖅ, ᐱᓐᖑᐊᓱᓂ. ᑭᓯᐊᓂ, ᐃᓄᐃᑦ ᓄᓇᓕᒻᒥᐅᖑᓕᑐᐊᕐᒪᑕ ᐱᓀᓗᑕᕐᑖᐸᓪᓕᐊᓯᔪᕕᓂᖅ, ᕿᒻᒦᑦ ᐊᒥᓱᐊᓘᑦᓱᑎᒃ ᐃᓄᓐᓂᒃ ᑲᑎᐅᕐᖃᖃᑕᐅᕌᓗᑦᓴᒪᑕ. ᐊᓪᓛᑦ ᕿᒻᒦᑦ ᐊᒥᓲᓂᕐᓴᐅᓲᖑᓕᕐᑐᕕᓃᑦ ᐃᓄᓐᓂᑦ ᓄᓇᓕᓐᓂ ᓄᓇᑐᕐᓕᓂᓗ. ᑌᒣᒻᒪᑦ ᑕᒪᓐᓇ ᐊᑦᑕᓇᕐᑑᓕᕐᑐᕕᓂᖅ, ᕿᒻᒦᑦ ᑲᑎᐅᕐᖃᓯᒪᔪᐊᓘᓕᕐᓂᖏᑦ, ᑭᓇᓘᓐᓃᓗ ᓯᕗᓂᑉᒥ ᑕᑯᓐᓇᕋᓱᐊᕐᓂᔭᕋᓂ ᕿᒻᒦᑦ ᑳᓕᓛᕐᑐᐊᓘᒋᐊᖏᓐᓂᒃ ᓂᕆᒃᑲᐅᑎᑦᓴᖃᕋᓂᓘᓇ, ᓄᓇᑐᕐᓕᓂᓕ ᓂᕆᔭᑦᓴᖃᓲᕕᓂᐅᒻᒪᑕ, ᐊᖑᓇᓱᑦᑏᑦ ᑎᑭᑦᑐᕕᓂᐅᑐᐊᕐᒪᑕ ᕿᒻᒦᑦ ᓂᕆᔭᑦᓴᖃᕋᔭᕐᒪᑕᓕ. ᑖᒃᑯᐊᓗ ᕿᒻᒦᑦ ᑳᑦᑐᐊᓘᒐᒥᒃ ᐱᐊᕋᕐᓂᒃ ᐃᓅᓱᑦᑐᓂᓗ ᐅᒋᐊᕐᓯᑐᐃᓐᓇᕆᐊᖃᕐᐸᓕᕐᑎᓗᒋᑦ, ᐊᕐᓀᓗ ᐃᑉᐱᒍᓱᑦᓯᐊᖁᔭᐅᕙᓕᕐᓱᑎᒃ ᐊᐅᓈᑐᐊᕈᑎᒃ ᑌᒪᓐᖓᓗ ᓇᑦᓴᓯᖁᔭᐅᓲᖑᓕᕐᓱᑎᒃ ᕿᔪᓐᓂᒃ ᕿᒻᒦᑦ ᓀᒪᓯᑎᐊᓘᒐᒥᒃ ᒪᓕᑐᐃᓐᓇᕆᐊᓕᐊᓘᒻᒪᑕ ᐅᒋᐊᕐᓯᓗᑎᓘᓐᓃᑦ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᑐᕈᓯᐊᐱᒃ ᐊᑦᔨᓕᐅᕈᑎᒧᑦ ᓵᖕᖓᔪᖅ ᕿᒻᒥᐊᕌᐱᒥᒃ ᑎᒍᒥᐊᕐᓱᓂ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐋᓪᓛᑦ ᖃᒻᒥᐊᐱᒃᑯᑦ ᐃᒡᓗᓕᒻᒥ ᕿᒧᑦᓰᑦ ᓱᑲᓕᐅᑎᑎᓪᓗᒋᑦ ᔩᓱᓯᐅᑉ ᒪᑭᕝᕕᐊᓂ, ᐱᐊᕋᓛᖅ ᐹᔭᐅᑦᓱᓂ ᓱᒃᑯᑕᐅᑲᓵᑦᓯᐊᖃᒻᒥᓚᐅᕐᑐᖅ ᕿᒻᒥᓄᑦ ᖃᓂᓪᓕᓗᐊᓕᕐᓂᕋᒥ, ᐱᐊᕋᖅ ᐊᐅᓪᓚᑎᑕᐅᒋᐊᖃᓚᕿᑎᓪᓗᒍ ᖃᓪᓗᓈᓄᑦ ᑮᓇᖓ ᐋᕐᕿᓱᕐᑕᐅᒋᐊᕐᑐᓱᓂ. ᐃᓄᒻᒪᕆᒐᓓᑦ ᕿᒻᒥᑕᐅᕙᓕᕐᑐᕕᓃᑦ. ᑕᒪᒃᑯᐊᓕᒫᑦ ᐱᑦᔪᑕᐅᓕᕐᑐᕕᓃᑦ ᕿᒻᒦᑦ ᑐᖁᕋᕐᑕᐅᒋᐊᖃᓯᑎᓪᓗᒋᑦ. ᓯᕗᓪᓕᒥ ᕿᒻᒥᓂᒃ ᐃᐱᕐᓯᒪᖁᔨᕙᓕᕐᑐᕕᓂᐅᒐᓗᐊᑦ, ᑭᓯᐊᓂ ᕿᒻᒥᖅ ᑳᑦᑐᐊᓘᑦᓱᓂ ᐃᐲᑦᔮᑐᐊᕋᒥ ᐊᑦᑕᓇᕐᑐᒪᕆᐊᓗᒃ. ᑌᒣᒻᒪᑦ ᐳᓖᓰᑦ ᐃᓄᓐᓂᒃ ᐱᔪᓐᓇᐅᑎᑖᕐᑎᓯᓕᕐᑐᕕᓃᑦ ᑕᑯᑐᐊᕈᑎᒃ ᕿᒻᒥᓂᒃ ᐃᐲᑦᔮᓯᒪᔪᓂᒃ ᑐᖁᑦᓯᕙᖁᑦᓱᒋᑦ - ᑌᒫᑕᒐ ᕿᒻᒦᑦ ᓄᖑᑕᐅᓚᕿᓚᐅᕐᓯᒪᕗᑦ ᐃᓇᖏᕐᑕᐅᓱᑎᓗ ᓯᑭᑑᓄᑦ ᐅᒥᐊᑲᓪᓚᓄᓗ.
ᐅᖓᓯᑦᑑᑎᓪᓗᒋᒃ ᐊᑦᔨᓕᐊᕕᓃᒃ ᒪᕐᕉᒃ ᑲᒃᑲᓛᒃ ᐱᖕᖑᐊᑑᒃ.
ᐅᖓᓯᑦᑑᑎᓪᓗᒋᒃ ᐊᑦᔨᓕᐊᕕᓃᒃ ᒪᕐᕉᒃ ᑲᒃᑲᓛᒃ ᐱᖕᖑᐊᑑᒃ.
ᐅᖓᓯᑦᑐᒪᕆᐅᑎᓪᓗᒋᑦ ᐊᑦᔨᓕᐊᕕᓃᑦ ᐱᖓᓱᑦ ᐊᕐᓀᑦ ᓄᓂᕙᑦᑐᑦ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᑕᒐ ᑌᒫᒃ ᓇᑎᕐᓈᓕᐊᓚᖓᓯᑐᐊᕋᒥᒃ ᓱᓇᓗᑳᓂᒃ ᐱᔭᕇᒐᑦᓴᙯᓐᓇᓲᑦ. ᒫᓂᑕᒐ ᑲᒻᒥᐅᓕᕐᑐᑦ ᐃᒻᒥᖃᔭᓐᖏᑐᓂᒃ ᑭᓗᒋᓪᓗᑯᐊᐱᒋᐊᓕᖏᓐᓂᒃ ᑭᓗᖃᕐᓱᑎᒃ ᕿᓯᖅ ᒥᕐᖁᐃᔭᕐᓯᒪᑎᓪᓗᒍ. ᑲᒦᑦ ᑭᓂᑦᓯᑎᑕᐅᓲᕕᓃᑦ ᐃᑎᕈᕐᒥ ᒥᕐᖁᐃᔭᑦᓯᐊᓂᐊᕐᒪᑕ, ᒥᕐᓱᑐᐃᓪᓗ ᑌᒣᓕᖓᔪᓂᒃ ᐱᕆᓐᖓᓂᓕᐅᓲᕕᓂᐅᑦᓱᑎᒃ ᑭᓗᖃᓪᓗᑯᐊᐱᑦᑐᓂᒃ ᑲᒦᑦ ᐃᒻᒥᖃᔭᓐᖏᑐᓪᓚᕆᐅᓂᐊᕐᒪᑕ ᓱᒐᓗᑦᑐᖅ ᓯᓚ ᑌᒣᓪᓗᐊᓕᕐᑎᓗᒍ. ᑲᒥᐊᓗᑦᑖᕈᓐᓇᑐᐊᕋᒥᒃ ᓂᐅᕕᓲᕕᓃᑦ, ᖏᑐᐊᕋᒥᒃ, ᐅᓪᓗᒥᐊᓪᓛᑦ, ᐊᖑᓇᓱᑦᑏᑦ ᐃᓄᐃᓪᓗ ᓄᓇᑐᕐᓕᓕᐊᕐᑐᑦ ᐊᓕᐊᒻᒪᕆᓲᕕᓃᑦ ᑌᒣᑦᑐᓂᒃ ᐃᒻᒥᖃᔭᓐᖏᑐᓂᒃ ᑲᒥᖃᕆᐊᖅ.
ᐅᖓᓯᑦᑑᑎᓪᓗᒋᑦ ᐊᑦᔨᓕᐊᕕᓃᑦ ᐊᕐᓀᑦ ᓄᓂᕙᑦᑐᑦ.
ᐅᖓᓯᑦᑑᑎᓗᒍ ᐊᑦᔨᓕᐊᕕᓂᖅ ᐊᕐᓇᖅ ᒥᕐᓱᑐᖅ, ᕿᑐᕐᖓᒥᓂᒃ ᐊᒪᐅᑎᒧᑦ ᐊᒫᕐᓱᓂ.
ᖃᓂᑦᑑᑎᓪᓗᒋᒃ ᐊᑦᔨᓕᐊᕕᓃᒃ ᐊᕐᓇᐅᑉ ᐊᒡᒐᖏᒃ, ᓄᓂᕙᑦᑑᑉ.
ᐊᕐᓇᖅ ᓄᓂᕙᑦᑐᖅ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᑲᒃᑲᓛᖅ ᓂᕆᔪᖅ.
ᐅᖓᓯᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᕐᓇᖅ ᑲᒃᑲᓛᓗ ᐃᑯᐊᓚᐅᑉ ᓴᓂᐊᓃᑦᑑᒃ.
ᐅᖓᓯᑦᑑᑎᓪᓗᒍ ᐊᑦᔨᓕᐊᕕᓂᖅ ᐸᓂᐊᐱᒃ ᓂᕆᔪᖅ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᐸᓂᐊᐱᒃ ᓂᕆᔪᖅ.
ᐅᖓᓯᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᕐᓇᖅ ᓄᓂᕙᑐᖅ.
ᖃᓂᑦᑑᑎᓪᓗᖑ ᐊᑦᔨᓕᐊᕕᓂᖅ ᑲᒃᑲᓛᑉ ᑮᓇᖓ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᕐᓇᐅᑉ ᐊᒡᒐᖏᒃ ᒥᕐᓱᑐᖅ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᑲᒃᑲᓛᖅ ᐊᒪᐅᑎᒧᑦ ᐊᒫᕐᑕᐅᔪᖅ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᕐᓇᖅ ᒥᕐᓱᑐᖅ.
ᖃᓂᑦᑑᑎᓪᓗᒋᒃ ᐊᑦᔨᓕᐊᕕᓃᒃ ᐊᕐᓇᐅᑉ ᐊᒡᒐᖏᒃ.
ᐅᖓᓯᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᕐᓇᖅ ᒥᕐᓱᑐᖅ.
ᐅᖓᓯᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᕐᓇᖅ ᒥᕐᓱᑐᖅ.
ᐅᖓᓯᑦᑑᑎᓪᓗᒋᑦ ᐊᑦᔨᓕᐊᕕᓃᑦ ᐊᕐᓀᑦ ᐱᓱᑦᑐᑦ.
ᐅᖓᓯᑦᑑᑎᓪᓗᒋᑦ ᐊᑦᔨᓕᐊᕕᓃᑦ ᐊᕐᓀᑦ ᐱᓱᑦᑐᑦ.
ᕿᒻᒦᑦ ᒧᒍᕐᑐᑦ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᓄᓇᓕᒻᒥ ᐊᐅᔭᕐᓯᐅᑎᒥᓂᒃ ᑐᑉᐱᑎᕐᐸᑐᕕᓃᑦ ᐊᑯᓃᒍᓐᓇᕕᓕᒫᒥᓂᒃ ᑖᕙᓃᓚᖓᑦᓱᑎᒃ, ᐃᓪᓗᕈᐊᖃᕐᑐᕕᓂᐅᒐᓗᐊᕐᒥᔪᑦ, ᕿᒻᒥᖃᕐᓱᑎᓗ ᐅᑯᐊᑎᑐᑦ, ᐃᐱᕐᓯᒪᑦᔭᖏᑦᑐᑦ ᑖᒃᑯᐊ. ᐃᓛᓐᓂ ᕿᒻᒦᑦ ᐹᓯᓲᕕᓃᑦ ᑳᒐᒥᒃ ᓂᕆᕐᓂᓗᑯᕕᓂᕐᓂᒃ ᑐᐱᖅ ᓄᑦᑎᑕᕕᓂᐅᓕᕐᑎᓗᒍ, ᕿᒻᒥᒪᕇᑦ ᐹᒻᒪᕆᐊᓗᑦᓴᓲᕕᓃᑦ ᑌᒪ ᐃᓄᐃᑦ ᓄᕐᖃᑎᑦᓯᒋᐊᖃᕐᓂᐊᓕᕐᒪᑕ ᐅᒋᐊᕆᐅᑎᓗᐊᓂᐊᓐᖏᒪᑕ.
ᐅᖓᓯᑦᑑᑎᓪᓗᒋᑦ ᐊᑦᔨᓕᐊᕕᓃᑦ ᐅᕕᒃᑫᑦ ᐱᖕᖑᐊᑐᑦ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᓄᓇᓕᒻᒥ ᐃᓄᐃᑦ ᑲᑎᓕᑐᐊᕋᒥᒃ ᐊᓕᐊᓐᖑᐊᖃᑎᒌᓲᒍᓐᓂᒥᔪᑦ ᐱᓐᖑᐊᓱᑎᓗ. ᐃᓄᖃᕐᓂᓴᐅᑎᓪᓗᒍ ᓄᓇᑐᕐᓕᓂᓂᑦ, ᖃᐅᑕᒫᕐᓯᐅᑎᓂᓗ ᐱᔭᑦᓴᖃᓪᓗᐊᕌᓗᓲᖑᒐᓂ. ᑌᒣᒻᒪᑦ ᐅᓐᓄᓴᐅᓕᕐᒪᑦ ᓯᕿᓂᖅ ᓂᐱᓚᐅᕐᑎᓇᒍ ᐊᔪᑦᑕᕈᒪᓲᕕᓃᑦ.
ᖃᓂᓐᓂᓴᐅᑎᓪᓗᒋᑦ ᐊᑦᔨᓕᐊᕕᓃᑦ ᐅᕕᒃᑫᑦ ᐱᖕᖑᐊᑐᑦ.
ᐅᖓᓯᑦᑐᒪᕆᐅᑎᓪᓗᒋᑦ ᐊᑦᔨᓕᐊᕕᓃᑦ ᐅᕕᒃᑫᑦ ᐱᖕᖑᐊᑐᑦ.
ᐅᖓᓯᑦᑑᑎᓪᓗᒍ ᐊᑦᔨᓕᐊᕕᓂᖅ ᐃᓪᓗᕈᐊᖅ (ᑐᑦᓯᐊᕕᒃ)
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐃᑦᓯᒐᕐᔪᐊᑯᑦ ᑐᒃᓯᐊᕕᖁᑎᖓ ᐊᑯᓂᓂᐊᓗᒃ ᐃᓄᐃᑦ ᑲᑎᕕᒋᓲᕕᓂᖓ ᕿᔪᕋᓐᖑᐊᕆᐊᕐᑐᓱᑎᒃ, ᐱᓕᐅᑦᔨᒋᐊᕐᑐᓱᑎᒃ ᐳᓚᐅᑎᒋᐊᕐᑐᑐᐃᓐᓇᓱᑎᓘᓐᓃᑦ.
ᑲᒃᑲᓛᑦ ᐃᑦᓯᕙᔪᑦ ᐃᓪᓘᑉ ᑲᑕᖓᓂ.
ᐅᖓᓯᑦᑑᑎᓪᓗᒍ ᐊᑦᔨᓕᐊᕕᓂᖅ ᐃᓪᓗᖅ.
ᑲᒃᑲᓛᖅ ᓄᓇᓕᐊᕈᕐᓂ ᐱᓱᑦᑐᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᕕᓗᑦᑕᕇᕐᓯᒪᓕᕐᒪᑕ ᑲᓇᔪᕐᓂᓗ ᓯᓚᕐᔪᐊᖅ ᐅᑭᐅᕐᐸᓕᐊᑐᐃᓐᓇᓕᕐᑐᕕᓂᖅ ᐱᕈᕐᑐᐃᑦ ᐊᐅᐸᕐᓯᓴᐅᑎᒋᐊᐱᑦᑎᓗᒋᑦ ᑲᔪᕈᕐᓱᑎᓗ; ᑌᒪ ᐱᕈᕐᖄᑐᕕᓃᑦ ᓄᓂᕚᑦᓭᑦ ᐱᕈᒌᑦᓯᐊᓂᐊᓕᕐᒪᑕ ᓄᓂᕙᑦᑕᐅᑐᐃᓐᓇᕆᐊᖃᓕᕐᓱᑎᓗ.
ᐅᖓᓯᑦᑑᑎᓪᓗᒋᑦ ᐊᑦᔨᓕᐊᕕᓃᑦ ᒪᕐᕉᒃ ᑲᒃᑲᓛᒃ ᐊᒻᒪᓗ ᐊᕐᓇᖅ ᑐᐱᐅᑉ ᐃᓗᐊᓂ ᐱᓱᑦᑐᐃᑦ.
ᐅᖓᓯᑦᑑᑎᓪᓗᒍ ᐊᑦᔨᓕᐊᕕᓂᖅ ᑲᒃᑲᓛᖅ ᑐᐱᐅᑉ ᑲᑕᖓᓂ.
ᐅᖓᓯᑦᑑᑎᓪᓗᒍ ᐊᑦᔨᓕᐊᕕᓂᖅ ᑲᒃᑲᓛᖅ ᐊᕐᐸᖏᑦᑐᖅ.
ᐅᖓᓯᑦᑐᒪᕆᐅᑎᓪᓗᒍ ᐊᑦᔨᓕᐊᕕᓂᖅ ᑎᖏᕐᕋᐅᑌᓐᓈᖅ ᐅᒥᐊᖅ ᑭᓴᕐᓯᒪᔪᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᓇ ᐊᔪᕿᑐᐃᔨᒃᑯᑦ ᐅᒥᐊᖓ, ᐃᓄᑐᐃᓐᓇᓂᒃ ᐃᓄᑕᖃᓱᓂ, ᓯᑕᒪᐅᑦᓴᕈᑎᒃ ᐱᖓᓲᔪᕐᑑᓴᕈᑎᒃ ᐃᓄᐃᑦ ᐅᒥᐊᕐᑐᑏᑦ ᐊᖑᓇᓱᑦᑎᐅᓱᑎᓗ ᐅᖓᓯᑦᑐᐊᓗᓕᐊᕐᑐᖅ ᑰᑦᔪᐊᒧᑦ, ᐊᒥᓱᒐᓛᑦ ᑭᓗᒦᑌᑦ, ᐱᐅᓕᓂᐊᒉᑐᕐᑐᑦ ᓂᖀᑐᕐᓱᑎᓗ ᓂᐅᕐᕈᓯᕐᕕᒥᑦ.
ᐅᖓᓯᑦᑑᑎᓪᓗᒋᑦ ᐊᑦᔨᓕᐊᕕᓃᑦ ᐃᓄᐃᑦ ᐱᓇᓱᐊᕐᑐᑦ ᐅᒥᐊᕌᐱᒥ ᓯᑦᔭᒥ ᑲᖏᕙᕐᓯᒪᔪᒥ.
ᐅᖓᓯᑦᑐᒪᕆᐅᑎᓪᓗᒍ ᐊᑦᔨᓕᐊᕕᓂᖅ ᐅᒥᐊᖅ ᑭᓴᕐᓯᒪᔪᖅ.
ᐅᖓᓯᑦᑐᒪᕆᐅᑎᓪᓗᒋᑦ ᐊᑦᔨᓕᐊᕕᓃᑦ ᐃᓄᐃᑦ ᓯᑦᔭᒦᑦᑐᑦ, ᐅᒥᐊᕌᐱᐅᑉ ᓴᓂᐊᓂ.
ᖃᓂᑦᑑᑎᓪᓗᒋᑦ ᐊᑦᔨᓕᐊᕕᓃᑦ ᐊᕐᓀᑦ ᓯᑦᔭᒦᑦᑐᑦ.
ᖃᓂᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᕐᓇᐅᑉ ᑮᓇᖓ ᐊᒻᒪᓗ ᕿᑐᕐᖓᖓᑕ ᑮᓇᖓ.
ᐃᓄᐃᑦ ᐅᑕᕐᕿᔪᑦ ᐃᕐᓯᕖᑦ ᖁᓕᐊᕇᑦ ᓴᓂᐊᓂ.
ᐅᖓᓯᑦᑑᑎᓪᓗᒋᑦ ᐊᑦᔨᓕᐊᕕᓃᑦ ᐃᓄᑐᐃᓐᓇᐅᖏᑦᑐᖅ ᐃᓄᓐᓄᑦ ᐊᕙᑕᖏᕐᑕᐅᓯᒪᔪᖅ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᓇᑦᑕᐅᖅ ᐊᔪᕿᕐᑐᐃᔨ, Father Mascaret, ᑖᓐᓇ ᐊᕐᕌᒍᕐᓂ ᐊᒥᓱᒻᒪᕆᐊᓗᓂ ᑖᕙᓂ ᑕᕐᕋᒦᑦᓯᒪᔪᖅ, ᓇᒻᒥᓂᕐᒥᓂᓗ ᐅᒥᐊᕐᒥᓂᒃ Sainte-Marie-ᒥᒃ ᐊᖁᑦᑐᕕᓂᐅᑦᓱᓂ. ᐊᖑᓇᓱᑦᓯᑎᐊᓘᓐᓂᒥᔪᖅ ᐃᖃᓪᓕᐊᓯᑎᐊᓘᑦᓱᓂᓗ. ᐅᓇᑕᒐ ᐅᒥᐊᖓ ᐃᒫᓅᕐᑕᐅᔪᖅ. ᑖᑦᓱᒥᖓ ᐅᒥᐊᕐᑐᖃᑕᐅᓯᒪᒻᒥᔪᖓ ᖁᐊᕐᑕᒥᑦ ᑲᖏᕐᓱᔪᐊᒧᑦ ᓴᓪᓗᓄᓗ. ᐅᒥᐊᓕᑦᑕᓕᑦᓯᐊᕌᓗᕕᓂᖅ ᖃᐅᔨᒪᑦᓯᐊᓱᓂ ᓇᓪᓕᑳᕆᐊᒥᒃ ᐅᒥᐊᕐᑐᒍᓐᓇᓯᐊᕐᑐᓂᒃ ᐊᐅᓚᒍᓐᓇᓱᑎᒃ ᐊᒥᓱᒐᓛᓂ ᑭᓛᒥᑕᓂ ᓄᕗᑎᒍᑦ, ᑖᕙᓂ ᐊᐅᓚᓂᖅ ᓲᖑᔪᒻᒪᕆᐊᓘᒍᓐᓇᒪᑦ. ᑌᒣᑦᑐᑰᕐᓱᓂ ᐊᕐᖁᓇᕐᑐᑯᑦ, ᐅᒥᐊᓕᑦᑕᓕᒃ ᑐᑭᑖᕐᑐᕕᓂᖅ ᐃᑎᕆᐊᒥᒃ ᑲᖏᕐᓱᐊᐱᒧᑦ, ᑌᒪ ᐃᑲᐅᕐᓂᒃ ᓈᒻᒪᑦ, ᑕᓯᕐᒦᓂᐊᓕᕋᑦᑕ. ᖃᐅᔨᒪᓚᐅᕐᓯᒪᔪᖅ ᑖᕙᓐᓇ ᐃᒪᕐᐱᐅᑉ ᑲᖏᕐᓱᖓ ᑕᓯᓐᖑᓚᖓᒋᐊᖓᓂᒃ, ᐊᓐᓇᓚᕿᑦᓱᓂ ᐊᕐᖁᓈᓗᒻᒥᑦ. ᖃᐅᔨᒪᔪᒻᒪᕆᐊᓘᓚᐅᕐᓯᒪᔪᖅ ᐃᓄᐃᑦ ᐊᕙᑎᖓᓂᒃ.
ᖁᓖᒻᒥᒎᓕᒃ ᒥᑦᓯᒪᔪᖅ.
Sainte-Marie ᐅᒥᐊᖅ ᓯᑦᔭᒦ.
ᐅᖓᓯᑦᑑᑎᓪᓗᒍ ᐊᑦᔨᓕᐊᕕᓂᖅ ᐅᒥᐊᕌᐱᒃ ᓯᑦᔭᒦᑦᑐᖅ.
ᐅᖓᓯᑦᑐᒪᕆᐅᑎᓪᓗᒋᒃ ᐊᑦᔨᓕᐊᕕᓃᒃ ᒪᕐᕉᒃ ᐅᒥᐊᒃ ᑭᓴᕐᓯᒪᔫᒃ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᒪᕐᕉᓂᒃ ᓯᑯᓯᐅᑏᓐᓂᒃ ᑕᑯᓐᓇᑐᒍᑦ. ᑕᕝᕙᓂ ᐅᑭᐊᑦᓴᕕᓂᖅ ᓯᑯᓯᐅᑏᑦ ᑎᑭᓯᒪᓕᕐᑎᓗᒋᑦ, ᑕᑯᒍᓐᓇᓱᓯᓗ ᖃᓄᖅ ᐊᑦᔨᒌᓐᖏᑑᑎᒋᒻᒪᖔᑕ ᖃᔦᑦ ᐅᒥᐊᕐᔪᐊᓗ. ᖃᔭᕐᑐᑐᐃᑦ ᓂᐅᕐᕈᑎᖃᕋᓱᐊᕐᐸᑐᕕᓃᑦ ᓴᓇᓐᖑᐊᑕᕕᓂᕐᒥᓂᒃ ᒥᕐᓱᒥᒪᔪᒥᓪᓘᓃᑦ ᓂᕆᔭᑦᓴᑖᕈᒪᒧᑦ ᖁᒻᒧᔪᓂᓘᓐᓃᑦ ᐋᕐᕿᓱᐃᒍᑎᒋᒐᔭᕐᑕᒥᓂᒃ ᓯᖁᒥᓯᒪᔨᐊᒥᓂᒃ ᐱᐅᑎᓂᒃ.
ᐅᖓᓯᑦᑑᑎᓪᓗᒋᑦ ᐊᑦᔨᓕᐊᕕᓃᑦ ᐃᓄᐃᑦ ᐱᓱᑦᑐᑦ, ᓇᒻᒪᓱᑎᒃ.
ᐅᖓᓯᑦᑑᑎᓪᓗᒍ ᐊᑦᔨᓕᐊᕕᓂᖅ ᐊᑦᓴᓐ ᐯᑉ ᑲᒥᐸᓂᐅᑉ ᓂᐅᕕᕋᓱᐊᕐᕕᖓ.
ᐊᑦᓴᓐ ᐯ ᑲᒥᐸᓂᒃᑯᑦ ᓇᓗᓀᒃᑯᑕᖓ.
ᖃᓂᑦᑑᑎᓪᓗᒋᑦ ᐊᑦᔨᓕᐅᕐᑕᕕᓃᑦ ᐃᓄᐃᑦ ᐃᓪᓘᑉ ᓯᕗᕌᓂ.
ᖃᓂᑦᑑᑎᓪᓗᒍ ᐊᑦᔨᓕᐅᕐᑕᕕᓂᖅ ᖁᓖᒻᒥᒎᓕᒃ.
ᖁᓖᒻᒥᒎᓕᒃ ᖃᖓᑕᔪᖅ. ᐃᓄᐃᑦ ᑕᑯᑦᓭᑦ ᓄᓇᒦᑦᑐᑦ ᑕᑯᓐᓇᓱᑎᒃ ᖁᓖᒻᒥᒎᓕᒻᒥᒃ.
ᖃᖓᑕᔪᒧᑦ ᐊᑦᔨᓕᐅᕐᑕᕕᓂᖅ ᐅᒥᐊᖅ.
ᖃᖓᑕᔪᒧᑦ ᐊᑦᔨᓕᐅᕐᑕᕕᓃᒃ ᒪᕐᕉᒃ ᖃᔭᕐᑐᑑᒃ.
ᖃᖓᑕᔪᒧᑦ ᐊᑦᔨᓕᐅᕐᑕᕕᓃᒃ ᒪᕐᕉᒃ ᐅᒥᐊᒃ ᓴᓂᒥᐅᑕᕇᒃ.
ᖁᓖᒻᒥᒎᓕᒃ ᒥᑦᑐᖅ ᒪᕐᕉᒃ ᐅᒥᐊᒃ ᐁᑉᐸᖓᓄᑦ.
ᖃᓂᑦᑑᑎᓪᓗᒍ ᐊᑦᔨᓕᐅᕐᑕᕕᓂᖅ ᐊᕐᓇᖅ ᐃᓄᒃ ᐊᒻᒪᓗ ᕿᑐᕐᖓᖓ ᐅᒥᐊᕐᒦᑑᒃ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᐅᑯᐊ ᕿᑭᕐᑖᓗᒻᒥᐅᔦᑦ ᐊᕐᓇᓕᔭᕐᑐᑦ ᓯᕿᓂᓕᐊᓯᔪᑦ, ᐊᕐᓇᖓ ᐃᓄᑐᐃᓐᓇᐅᑎᓗᒍ ᕿᑐᕐᖓᖃᕐᓱᑎᒃ ᒪᕐᕉᓂᒃ. ᑖᒃᑯᐊ ᓯᑯᓯᐅᑏᑦ ᐃᓄᒃᑭᓲᒍᓐᓂᒥᔪᑦ, ᖃᕆᐊᖃᕐᓱᑎᒃ ᐊᐅᓚᑦᓯᓕᕋᒥᒃ ᐋᓐᓂᐊᕕᓕᐊᕐᑐᓂᒃ ᐅᕝᕙᓘᓐᓃᑦ ᓄᓇᓕᐅᑉ ᐊᓯᐊᓅᕈᒪᔪᓂᒃ, ᐆᓐᓃᓄᓇ ᑖᒃᑯᐊ ᐅᒥᐊᕐᔪᐊᑦ ᓄᓇᓕᓐᓅᕋᑲᑦᑕᓲᕕᓂᐅᒻᒪᑕ ᓂᐅᕕᐊᑦᓴᓂᒃ ᒥᓇᕋᕐᓱᑎᒃ.
ᐅᖓᓯᑦᑑᑎᓪᓗᒋᑦ ᐊᑦᔨᓕᐅᕐᑕᕕᓃᑦ ᐊᕐᓇᖅ ᐊᒻᒪᓗ ᕿᑐᕐᖓᖓ. ᖃᓪᓗᓈᒥᒃ ᐃᓚᓖᒃ.
ᖃᓂᑦᑑᑎᓪᓗᒍ ᐊᑦᔨᓕᐅᕐᑕᕕᓂᖅ ᐊᕐᓇᖅ, ᕿᑐᕐᖓᒥᓂᒃ ᓴᕐᓕᐊᑐᖅ.
ᖃᓪᓗᓈᖅ ᕿᑐᕐᖓᒥᓂᒃ ᐱᖕᖑᐊᖃᑎᓕᒃ.
ᖃᓂᑦᑑᑎᓪᓗᒍ ᐊᑦᔨᓕᐅᕐᑕᕕᓂᖅ ᐊᕐᓇᖅ ᕿᑐᕐᖓᖓᓗ ᐅᒥᐊᕐᒦᑑᒃ.
ᖃᓂᑦᑑᑎᓪᓗᒍ ᐊᑦᔨᓕᐅᕐᑕᕕᓂᖅ ᐅᒥᐊᑉ ᓴᓂᕌ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᓱᕐᖁᐃᑐᒥᓪᓗ ᑌᒣᓘᒋᐊᖃᕐᐸᑐᕕᓂᐅᒻᒪᑕ ᓯᑯᓐᖏᓂᖓᓂ, ᑌᒣᒻᒪᑦ ᑭᖑᓪᓕᐹᕐᓯᐅᑎᒃ ᐅᒥᐊᕐᔪᐊᒃ ᑎᑭᑐᐊᕐᒪᑦ, ᐃᓄᐃᑦ ᐱᒻᒪᕆᐊᓗᖁᑎᒋᕙᑦᑕᕕᓂᖓ ᓄᓇᓕᒻᒥᐅᒍᓕᓚᐅᕐᓯᒪᒻᒪᑕ ᑌᑦᓱᒨᓇ. ᐅᒥᐊᕐᔪᐊᑦ ᑎᑭᐅᑦᔨᕙᓕᓚᐅᕐᑐᑦ ᐃᓪᓗᕈᐊᑦᓴᓂᒃ ᐃᓕᓐᓂᐊᕕᑦᓴᓂᒃ ᐋᓐᓂᐊᓯᐅᕐᕕᓴᓂᓗ ᑌᒪ ᐅᑭᐅᕐᒥᐊᓂᕐᒪᑦ ᐊᑯᓂᒻᒪᕆᐊᓗᒃ ᐅᑭᐅᒍᓚᖓᓕᕐᓱᓂ.
ᖃᖓᑕᔪᒧᑦ ᐊᑦᔨᓕᐊᕕᓂᖅ ᓄᓇᓖᑦ.
ᑐᑭᒧᐊᕐᑎᓯᔨᐅᑉ ᐅᖄᔭᖏᑦ: ᑖᓐᓇᑕᒐ ᓄᑖᒍᑦᓱᓂ ᐃᓅᓯᐅᓕᕐᑐᕕᓂᖅ ᑭᓯᐊᓂᓗᑦᑕᐅᖅ ᐱᐅᓯᑐᖃᕐᑎᒍᑦ ᐃᓄᐃᑦ ᑕᕐᕋᒥᐅᑦ ᐃᓅᓯᖓ ᐊᓯᑦᔨᑐᒻᒪᕆᐅᑎᓗᒍ, ᓱᒐᓗᑦᑐᖅ ᑲᖏᕐᓱᔪᐊᕐᒥᐅᑎᒍᑦ.
ᑎᒻᒥᐊᑦ ᑎᒻᒥᔪᑦ.
ᐊᑕᓂᐊᓘᑉ ᓄᓇᖓᓂᒥᐅᑦ ᓭᒻᒪᓴᐅᑎᖓ ᕿᑲᕐᑎᓗᒍ ᐊᑦᔨᓕᐊᕕᓂᖅ.
ᖃᐅᔨᒋᐊᕐᕕᓴᖅ
ᑐᑭᒧᐊᕐᑎᓯᔨᐅᑉ
1. ᑐᑭᒧᐊᕐᑎᓯᔨᐅᑉ ᐅᖄᔭᖏᑦ [PDF 327.66kB]
ᐊᓪᓚᓯᒪᔪᑦ ᐅᖃᓕᓚᒫᕋᓱᐊᕐᓗᒋᑦ ᖃᕋᑕᐅᔭᒃᑯᑦ ᐱᑕᖃᕆᐊᓕᒃ Adobe Acrobat Reader