ᖁᔭᓐᓇᒦᒃ ᐅᓂᒃᑳᕈᓐᓇᕐᑎᑕᐅᒐᒪ

ᒪᐃᐊ ᐅᐃᑦᓱᕙ

ᓯᕗᓪᓕᕐᐹᕆᓚᐅᕐᑕᕋ ᐃᒡᓗᓕᒃᒧᐊᕐᖢᖓ, ᐅᑭᐅᕐᑕᕐᑐᒧᓪᓗ, ᑕᑯᔭᕆᐅᓕᕐᖢᖓᓗ ᑕᑯᓚᐅᕐᓯᒪᖏᑕᓐᓂᒃ. ᑕᐃᓱᒪᓂᐅᑎᓪᓗᒍ ᓄᓇᖑᐊᖅ ᐅᔾᔨᕆᓪᓚᕆᓚᐅᕐᑕᕋ. ᐃᒧᓪᓗᖃᐅᕐᑐᖅ, ᑎᒃᑯᐊᕐᑕᐅᖃᑦᑕᕐᑐᖅ ᓂᐱᐅᓯᕐᓱᕐᓯᒪᓪᓗᓂᓗ, 12ᖑᓗᑎᒃ ᑲᑎᖓᐅᕐᑐᑦ ᕿᑐᑦᑐᒐᐅᔭᒃᑯᕕᒃᒧᑦ. ᐊᑐᕐᑕᐅᖃᑦᑕᕐᓯᒪᓪᓚᕆᒃᑐᖅ. ᓄᓇᖑᐊᒥ ᓴᖃᓕᐊᓯᐅᑉ ᐊᑖᑕᖓ, ᐃᓅᑭ ᑎᑎᕋᕐᑐᕕᓂᖅ ᓄᓇᖑᐊᒃᑯᑦ ᐃᓄᒃᑎᑐᑦ ᓄᓇᐃᑦ ᐊᑎᖏᓐᓂᒃ, ᐊᖑᓇᓱᒃᕕᐅᖃᑦᑕᕐᓯᒪᔪᓂᒃ, ᐊᓯᖏᓐᓂᓗ ᖃᐅᔨᒪᔭᕐᒥᓂᒃ ᐃᒡᓗᓕᐅᑉ ᖃᓂᒋᔭᖓᓃᑦᑐᓂᒃ. ᓄᓇᖑᐊᖅ ᑎᑎᕋᕐᕕᒋᓯᒪᐅᕐᖢᓂ ᐅᖃᓕᒫᕈᓐᓇᖏᑕᓐᓂᒃ ᑭᓯᐊᓂ ᑐᑭᓯᓇᕐᓂᕐᓴᐅᓪᓗᑎᒃ ᖃᓪᓗᓈᑎᑐᖓᔪᓂᒃ ᓇᕈᑎᐅᓚᐅᕐᑐᑦ, ᐊᖓᔪᖃᕐᔪᐊᓪᓗ ᑯᐃᓪᓗ ᐊᑎᖏᓐᓂᑦ. ᓴᓇᐅᒐᓕᕆᔨᐅᓪᓗᖓ ᓄᓇᖑᐊᓂᒃ ᐱᐅᒃᓴᐃᓐᓇᖃᑦᑕᕐᓯᒪᒐᒪ ᑕᑯᒃᓴᐅᔪᓂᒃ ᐊᒃᑐᐊᓂᖏᓐᓂᒃ ᓄᓇᒧᑦ, ᑕᕙᓃᓕᕐᐳᖓ ᐅᒃᑑᑎᑦᑎᐊᕙᐅᔪᒥᒃ − ᓄᓇᖑᐊᖅ ᖃᐅᔨᒪᔭᐅᔪᓂᒃ ᑎᑎᕋᕐᕕᒋᓯᒪᓪᓗᓂ ᐃᓅᑭᐅᑉ, ᓯᕗᓕᖏᑕ ᓄᓇᒋᕙᓚᐅᕐᑕᖏᓐᓂᒃ ᑕᐅᓴᓂᒃ ᐊᕐᕌᒍᓄᑦ. [...]